قصيدتي في حفل أبناء الشيخ مرزوق القني العتيبي
 

قصيدتي في حفل أبناء الشيخ مرزوق القني العتيبي بمناسبة
افتتاح الموقع لجديد لمعرض المرزوق للسيارات


〰〰〰〰〰

عنوان القصيدة / لجلك عتيبي


بقلم / فواز بن محسن الزويهري الحربي

🍂🍂🍂🍂🍂🍂🍂🍂

الطيب لهل العز دايم ... وافي
اللي على منهجه بِنيَو° ساسه

ساس مسيس ما يجيه خلافي
مرزوق شده بالوفا مع ناسه

مرحوم يا راسٍ عريب سنافي
عياله رجال على نبراسه

سلام ... ياقصر بظله ضافي
من مزن ماطر ما وقف رجاسه

فواز بن مرزوق فعله نافي
وأقرب دليل احنا فوسط الماسه

نبدع من حروف الثنا محرافي
والحرف عانق صاحبه بحساسه

اللي مع ربوعه على المشرافي
زبن الدخيل وسيف باتر باسه

يالقني المطنوخ مجد يشافي
والبن يعرف نجره ومحماسه

شخص المراجل من دلالك كافي
متكيفٍ فنجال فيه رياسه

لجلك عتيبي قلتها بانصافي
الفخر في عتيبه جميل لباسه

قلته وحرب الشمس في اوصافي
صبحه جلا لليل من انفاسه

حربي ولي نوماس من اسلافي
والوقت يعجز ذكر حرب اقياسه

🌿🍂🌿🍂🌿🍂🌿🍂