عقدتها تسعين عقدة بيدية :':':':':':':':':':':':':':':::'؛':':''':'
 

قصيدة بعنوان :

عقدتها تسعين عقده بيديه



🌿➖🌿➖🌿➖🌿➖🌿

نظمت وزن الحرف واحكم قفيّه
وأجر صوتي لا طربني بيانه

وامشي نقا ..ولاني بصاحب سريّه
ورمح الرجل طيبه بحدة سنانه


وأضحك صفا واشوش عند الحميّه
وأجاوب بقدر السؤال فلسانه

عقدتها تسعين عقده بيديّه
ويحلها من هو عزيز مكانه

ما عيدها خله ... بعدها غنيّه
وكل يحط الرسن ويعلا حصانه

ماني وكيل الناس ولالي خطيّه
وإن جات للدعوة .. دليل وديانه

الناس ما ترضى وماهم سويّه
وإن جيت ترضيهم رموك بخيانه

اللي زعل من ماش يرضا برزيّه
وإن راح غادي يرد لجحف زمانه

قد ايش اداري والخواطر عليّه
ماغير اكبر روس فيها الشطانه

اللي ثبتله حق جاته نقيّه
يبشر على سمن وسمين بذهانه

الطيب ماهو سهل ولاهو عطيّه
وماشفت راعي طيب عنده لعانه

فعل وسطر من راس وحفظ العنيّه
وأخلاق تسما للجدي في كيانه


🌿🌿🌿🌿🌿🌿🌿🌿