ملتقى قبيلة حرب الرسمي - اهدا لا الريج القحطاني تستاهل بنت قحطان؟.....................

بسم الله الرحمن الرحيم
الكل سمع في الممرضة اريج حسن القحطاني
اللي اسعفت المصاب اللي تعرض لطلاق نار في
مول شرق الرياض بيض الله وجهها و وجه من ربها
غسلت كبودنا واروحنا قبلها عن سالفة الداعشي اللي قتل ابن عمه

اريج خريجة بكلريوس تمريض لم تقبل فيها وزارة الصحة؟؟؟

واليوم صدر امر تعيينها من صاحب السمو الامير متعب بن عبد الله
في الشؤن الصحيةبالحرس الوطني بيض الله وجهه والحمد لله اللي رزقنا بحكام
يثمنون المعروف ويبذلو الغالي والنفيس لرضا الله ثم راحة المواطن
ف الحمد لله حتى يرضا وبعد الرضاء اليوم صباح نتفنس منه العز والكرامة
والنخوة ورد المعروف والله الكلام كثير
لكن لكم هذه الابيات مهداه لا اريج القحطاني
خبر تعيينها http://sabq.org/GxIgde

تستاهلين المدح يابنت قحطان=ياللي على رجم المكارم رقيتي
قدمتي المعروف وحسان الاحسان=عز الله انك بالامانة وفيتي
انقذتي الك انسان بشعور الانسان=في لحظةٍ مبين حي و ميتي
الله يبارك بك ويجزاك غفران=عن كل قطرة دم منه احتويتي
ترفع لك البيضاعلى كل ميدان=بنت الرجال ومن عرب تستميتي
للواجب اليا قيل قحطان قحطان= توفي مواقفهم مثل ماوفيتي
انعم بهم واكرم على مر الازمان=اللي لهم صيتٍ فرق كل صيتي
اهل الكرم والطيب والعز عنوان=عز الله انك لانخيتي نخيتي
والله يجازي متعبٍ طير حوران= اللي على فعلك جزاك وسميتي
بنت الوطن يا اريج في عهد سلمان=عزٍ على عزٍ سماه اعتليتي
وطن ولاكن غير عن كل الاوطان=يثمن الجزلة مثل مالقيتي