لياضاق صدري رحت يم الفجوج ادوج
لعل ادوجاني ضيقة الصدر يفرجها

على موترٍ يسهج فجوج وراها فجوج
ليا دق سلفه وجهتي هو يبرمجها

اسج بتفاكري واسند وارد هروج
على نفسي ماعندي من الناس اهرجها

واهوجس بحسب الذاكره ماغطاه الموج
علومٍ تضك النفس وعلوم تبهجها

ماني جاهلٍ بالوقت الاقشر ولامرجوج
لكن سجتي بالبر نفسي يعالجها

لعلي لياسجيت بالبر له منتوج
علاجٍ على نفسي ومن غير لااحرجها

وسلامتكم
سالم بن مناع الحربي

صح السانك وبيض الله وجهك
قصيدة جزلة من راس جزل

الاخوه
نديم المجرة
الحب الباقي
صحت ابدانكم ولاهنتوا