|
زمان البربرة؟.........................................
السلام عليكم ورحمة الله وبركاته
لايخفا عليكم مايحدث في مجتمعنا من انجراف خلف كل برامج الاجهزة الحديثة اللي وصلت إلى حد الاسفاف ومن الاغلبية تقريبٍ انا مو ضد برامج التواصل لكن ضد هذا الانحطاط ومايزيد الطين بله انه وصلت التوجيه الدعوة لبعض المبربرين مقابل 7000الاف ريال فقط عشان يحضر الحفل ويصور سناب شات!!!! من هذا الواقع جت هذه الابيات تقبلوها.ايدوها ولا حتى عارضوها المهم انها عن هذا الوضع المزري من جد. هذا زمان البربرة والتخاريف=بربر وتلقا لك مع الناس قيمه سولف لونك ماتجيدالسواليف=تصير نجم وتستحق العزيمه قول اي كلمة لو كذبٍ وتزييف=وإن مقدرت اثغا سوات البهيمه بتشتهر ماعاد تحتاج تعريف=وجمهورك الساذج كبيرٍ دهيمه هذا هو الحاصل البعض المخافيف=فسناب شفناهم عقولٍ سقيمه لاشفتهم تقول في قمة جنيف=كلٍ يقول انه وليدة صتيمه متجمعٍ حوله فريغ وملاقيف=مثل الخصيم اللي يناظر خصيمه الاغلبية وضعهم جداسخيف=والبعض لاوالله معنى وقيمه مثل اللذي ينصح بليا تكاليف= والمتزن واللي علومه سليمه عبرت عن ماشفت يادلة الكيف=والله يعز الحكم واللي يقيمه |
صح الله لسانك
|
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح السانك وبيض الله وجهك قصيدة جزلة من راس جزل |
صح السانك وبيض الله وجهك قصيدة جزلة من راس جزل |
صح الله لسانك
|
اقتباس:
صح الله بدنك لاهنت ولاهان مرورك |
صح الله لسانكـ شاعرتنا ابداع غير مستغرب ..
|
هــــذا زمـــــان الـبــربــرة والـتـخـاريــف
بـربـر وتلـقـا لــك مــع الـنـاس قيـمـه ســولــف لــونـــك ماتجيـدالـسـوالـيـف تـصـيـر نــجــم وتـسـتـحـق الـعـزيـمـه قــول اي كلـمـة لــو كــذبٍ وتـزيـيـف وإن مـقـدرت اثـغـا ســـوات البهـيـمـه صح لساااااااااااانك مليوون |
انا اشهد انها أبدعت بالتواصيف من يوم قالت بربر تجيك قيمه
كلمة لها بقلوبهم وقعت السيف منهو وعاها يقول ياهي اليمه يترك خباله ويبتدي بالتحاسيف على مقاطع خالياتٍ عديمه وينصح اوادم مقبله والمعاريف البعد عن ما قد فعلته غنيمه وجهة نظر مامدها الا ملاقيف تنشر بلاها وتترك المستقيمه خلت سخافة ربعنا شيٍ ظريف كنها حضارة كالحضارة القديمه ياليت نشر اهبالهم بالتكاليف من شان ماينشر عثاهم بهيمه هم يحسبون سنابهم فيه تثقيف ويضيف معلومات ويضيف قيمه مايدري الغافل بأنه تخاريف كما تقول بقافها هالكريمه |
الساعة الآن 03:26 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir