ملتقى قبيلة حرب الرسمي - وش حلاة العيد لاصار المعايد بالصور ولا رسايل هاتفيه؟؟ الخواري

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

وش حلاة العيد لاصار المعايد بالصور ولا رسايل هاتفيه؟؟ الخواري

الله اكبر يازمن كيف انت حايد
عن سلـــوم الطيبين الاولــيه
وش حلاة العيد لاصار المعايد
بالصور ولا رســايـل هاتفــيه ؟
ماورى عيــد البرامج من فوايد
غير تقصير التواصـل بالبـريه
كيف ننسى صحوة الصبح ونعايد
كل بيتن ندخــله والنــاس حيه
وكل من شــافك من الجيره يعايد
وكل بيتن سيق فيــه الشــاذليـه
يالـله إنك لا تنــسيــنا العوايــد
والزمان اللي على فطره نقــيه
أحــمد الخـواري

في هذا الزمن 70 % من الاحباب يعايدون بعضهم بالواتس والسناب شات
واعتمد الاغلب عليها كلياً في المعايده ونسوا المعنى الحقيقي للعيد وجمعة الاحباب والزيارات العائليه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك