اليوم قطع الوصل اصبح طبيعه / كلن لحاله ماسك الدرب ويسير
 

اليوم قطع الوصل اصبح طبيعه
كلن لحاله ماسك الدرب ويسير
احد على ممشاه نسمع قريعه
واحد على ممشاه ماله مداوير
تغيروا في ظرف مده سريعه
واقفوا على ماقدر الله ويصير
حتى روابعهم ماعادت وسيعه
كلن على همه خذاله مشاوير
ماعاد نسمع غير قتل وفجيعه
وتفجير في مسجد ودوله وتدمير
ناس تموت بدون ذنب وشريعه
وناس تعيش الذل وتشوف تعزير
واعراض تكشف واتهتك منيعه
واطفال ماتوا بين غاره وتهجير
وافكار مرضى كلبوها وضيعه
عاشت على قتل ومصايب وتكفير
اصحابها ناس تجي لك وديعه
بس البلاء المكنون يحتاج تغيير
افعالهم دايم خراب وشنيعه
والدين ماهو دين قسوه وتدمير
الدين يسر بغير عسر وفجيعه
وخير يعم الناس من دون تقصير

عبدالعزيز مناور الرويثي الحربي

صح لسانك قصيدة جميلة جداً

صح الله ابدانكم جميع

صح بدنك

لاهنت