وجيه شر وضايعين ونماريد / وعقول دجه وانكسار وشريده
 

تجمعوا ياسعود ناس مقاريد
وقامت ترص من الحديده حديده
في كذبهم يبنون دار ومواريد
ووقت الحقايق ماتشوف الوليده
وجيه شر وضايعين ونماريد
وعقول دجه وانكسار وشريده
فيهم مرض ماله علاج ومواعيد
ماله سوى نار حطبها وقيده
فيها مشهايب المطبب مراكيد
دايم على روس المهبل جويده
يركي عليها لين تصبح مرابيد
واليا انتهى دارت وجتهم امعيده
لين ان مايبقى وراها مواكيد
اما غدوا صاحين والا فقيده
كلن وحظه يقضب الدرب ويحيد
واللي خطاه الدرب يصبح طريده
ماينفعه كثر الفشق والبواريد
لاصار ماهو بالمواقف وليده
مايرفع الرجال فعل الرعاديد
ولايرفع الرجال كثرة رصيده


عبدالعزيز مناور الرويثي الحربي

صح لسان قايلها وبيض الله وجهك

صح الله ابدانكم جميع

صح بدنك ولاهنت