|
رسالةٍ تشــرح بــــادق التفــاصيل
العاصفة هبت بــعــد عسعس الليل من دار مبعوث الهدى والصــحابه تسوقة الـــهمة وعـــزم الــرجاجيل بادراك عــقل وقـــو باس وصـــلابه شقوا طريقٍ يــذهل العــقــل ويهيل يشهد عليه المــوقف اللي دعـــابه موقف شرف ماهومخادع وتضليل هز الــدول في ســرعة الاستجابة رسالةٍ تشــرح بــــادق التفــاصيل يردع بها عيٍ غـــدى عــن صوابه من فوق متن اللي يزود لها الكيل مــسيرها بين السـماء والسحابه تنسف حمم وتـنزل حـمـول وتشيل خــلت وكور الــخزي مثل الخرابه حي الفــعــول وحي من عدل الميل واعــاد سير الــحق عــلى نــصابه سلمان غيث الجار ريف الــمراميل درع الـوطن سقم الخصيم وعـذابه شد الحـــزام وذلل الصــعب تــذليل واوقف نزف جرح العرب واعتنابه جــرحٍ تضخم واجهد الـفكـر والحيل يـــزود مع زود الـزمــان إلتــهابــه له في جسد الامة أكثر مــن الجـيـل يـنخـر ويــأكـل بالـخـفى ليـن عــــابـه لاشــك جــاه اللي يــداو الـمــعــاليـل واستأصله من جــذعــه اللي نــشابه بايـــدي رجـالٍ ماعـــليهــم مـــداخيل فـي ليلةٍ مــن هــوله العــقــل يــابـه يشـــعط ظـــلام الليل مـــثل الــقناديل مــوتٍ تطــلق مــن يــديــهـــم اشهابه عبــــرة ودرسٍ للـيــال الــمــقــابـــيل للي يبــي يــفتــح عــن الــشـــــر بابه حــقايــق الافــعـــال ما هي بـقــاويــل تـــوج بـــهــا تــاريــخ الامـــة كــتــابه مجدٍ يـــزيد امــجـــاد الاســـلاف تبجيل باســــمٍ حـفظ مــعـجم لـغتنـا اعــرابـــه سلــمــان حـدٍ مــن تــعـداه لـــلـــويــل وغـــيث وســـلامٍ للـــمســالـــم جـــنابه ::شموخ الأصيلة:: |
صح السانك بيض الله وجهك
|
اقتباس:
صح السانك مليون ياشموخ الأصيله ابداع وجزاله لاهنتي دمتي بهذا التميّز ودمتي بخير وسعاده |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
هذا الشعر ياشموخ
عودتينا على الجزاله والنصوص الفاخره لانرضى منك اقل من هذا صح لسااااااااااانك مليون (good):076: خمس نجوم |
صح السانك لاهنتي
ولاهان منطوقك الرااقي والله يحفظ وطنا و حكامنامن كل مكروه |
صح الله لسانك ولاهنتي وسلم فكرك وبنانك دمتي برعاية الله وحفظة |
الساعة الآن 07:32 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir