عزالله الليله مساء جوها ماش / من يوم من نغليه عزم وماشي
 

عزالله الليله مساء جوها ماش
من يوم من نغليه عزم وماشي
غرو عطاه الله من الزين ماحاش
وعين هدبها يامحمد خراشي
وفم عليه من الحلا شي ماجاش
فيه العسل والتوت الأحمر بلاشي
لو ذقت منه شوي لابد تنداش
ويصير في حالك وراها ارتعاشي
الذ من تمر الحساء كان تبغاش
واطيب من المعمول وقت التماشي
وصدر عليه طلوع لايمكن ايناش
فيهن من التفاح وصف ايناشي
وشعر سوداه ليل واطرافه فراش
وخد بياض الغيم لاجاك ناشي
وجيد يبي له وقت وأيام وانقاش
فيه الذهب لوطاح جاه انتعاشي
وخصر طواه الجوع ياكثر ماعاش
وردف عليه اللبس وشلون عاشي
رزين عقل وهرجته دايم كاش
واليا هرج ماضاق صدره وطاشي
وجهه بشوش ويدخل القلب والجاش
ويرسم لك الدنيا ورود وفراشي
اقفى وانا صدري غدى هم وهواش
وقلب على فرقاه فيه اندهاشي


عبدالعزيز مناور الرويثي الحربي

صح الله ابدانكم جميع

ماعليكم زود

صح بدنك

لاهنت