ماضيع الناس تكرار العناويني / كل وله دربه المعروف والصامل
 

صبحكم الله بالخير جميع



انا على الطيبه اسمي يكفيني
ماحتاج مدح كثير وكلمة مجامل
لوكنت شاعر مع الشعار توحيني
والا تويجر ولي مكتب ولي عامل
مالد عيني على اللي مايعانيني
شي بلا عرف واسلوم العرب هامل
اما يجي مثل نور الشمس ويبيني
والا بلا ضحكة فيها البلاء خامل
ماضيع الناس تكرار العناويني
كلن وله دربه المعروف والصامل
ياحظ منهو على المنهاج والديني
افنى شبابه ويسعى فيه ويعامل
تلقاه دمث الجناب وخاطره زيني
وبالصدق يذكر مع الوافين ويزامل
اليا هرج مايقول السانه الشيني
واليا فزع جالك بكل الوفاء حامل
ماهو من اللي بفعل الطيب ناسيني
اللي على الفحص والتامين بالشامل
اليا نصيته يصد وقال من ويني
وهو رصيده يجي مليار بالكامل
يهب يالخايب الضايع يامسكيني
لو كنت تملك رصيد وفله وعامل

عبدالعزيز مناور الرويثي الحربي

صح الله السانك لاهنت
ولاهان منطوقك
يا حربي

يسلمو كلام
جميل

صحت ابدانكم جميع

ولاهنتوا على المرور

صح بدنك وماعليك زود يالامير

صح بدنك


لاهنت