دمع العيون الحزينة ســــال .=. على الورق أكتب الكــــــــــسره
مهما فراق الأحبه طـــــــال .=. الحب يبقى لـــــــــــــــــهم ذكره
حبر القلم من كلامي جـــف .=. جفف الــــــــدمع من عيــــــــني
الناس قالو ومـــاجـد خــاف .=. أصل السبب كـــان ناسيــــــــني
بالدمع أبكي أقول أهــــواك .=. وأعلن على الناس بلسانــــــــــي
يمين ياصاحبي منســــــاك .=. مرضى بديلك أحد ثــانـــــــــــي
أبكي وتبكي معي الكـــسره .=. ولـــحان لجلك أنا غـــــــــــــنيت
والبعد والهم والحــــــــسره .=. خاويتها بعد ما صـــــــــــــــديت
تنزل على الخد عبراتــــــي .=. وأموت وحيا على ذكـــــــــــراه
تبكي من الشوق كسراتــــي .=. أهواك وهـــــــــــواك وثم أهواه
أخترتني قبل مخـــــــــتارك .=. واليوم معاد فـــــــــــــيني قياس
في وسط قلبي ترى أسرارك.=. بقولها عند كل النــــــــــــــــاس
أسلي نفسي مع الكــــسرات .=. لملك الـــــــروح بــــــــــحزاني
تنام ليلك مع الـــــــــراحات .=. وأنا أسهر الليل وحـــــــــــداني
ليه الزمن حطم أحـــــــــلامي .=. يقسا عليا وأنا مــــــــــــــظلوم
ياخذ نصيبي من أيــــــــــامي .=. يكتبلي في حسبته محــــــــروم
هذا الزمن غير عـــــــــن أول .=. قليل وافــــــــــــــي كثير أنذال
لاكن مهما الزمن طـــــــــــول .=. تلقا الوفا للوفــــــــــــــي تنقال
عيني بكت من أنين الشــــــوق .=. ودموع الأحزان تسألــــــــني
الناس بالحب طلعو فـــــــــوق .=. وأنا دموعي تغرقــــــــــــــني
كــــــــيف أتصبر على بعدك .=. كيف أخفي الدمع وحـــــــزاني
دمعي أنتثر أه من بــــــــعدك .=. خايف مع الوقــــــــــت تنساني
ماينجبر قلبي المــــــــــكسور .=. الا تـجيني وتراضيــــــــــــني
أخاف بكرا الزمان يـــــــدور .=. وطيح يازين من عيـــــــــــني
مشاعـــــــــــر القلب تحكيلكـ .=. يكــــــفي هجر ياحبيب الروح
من كل قلــــــــــــــبي أغنيلكـ .=. خـــلاص يكفي أسا وجــروح
عليك نـــــــظره عليك عيون .=. تسحر بها كـــــــــل من شافك
أهواك واللي يكون يكــــــون .=. ســــــبحان من رتب أوصافك
سبحان من صوره تصويــر .=. خــلا جــمالــــــــــــه لنا بجناه
يعجز لساني عن التعبــــيــر .=. كنا القمر والقـــــــــــــمر مناه
أموت أنا بطبعك القـاســــي .=. مغرم أنا فالعـــــــــــيون السود
لا تحطم الود وحــساســــي .=. ترى الأمـل بعدكــــــــــم مفقود
سبحان ربــــــي مصورلكـ .=. رمشين وهــــداب جــــــــــذابه
وخــــدود وعيون صورلكـ .=. تسحر بها نـــــــاس طـــــــلابه
أسعد في شوفــه بحين ألقاه .=. يرتاح قلـــــــــــــــــبي إذا شافه
يهل الهوى ماقــدرت أنساه .=. مــــــــــاجـد يحبه ومـــــــاعافه
يهل الهوى أسألو قلـــــــبي .=. وش فيه صمته عليا طــــــــــال
إن كان أكبر غلط حــــــبي .=. قلوله الشــــــوق هز رجـــــــال
للمالكي أبعث أشواقــــــي .=. الصاحب اللي رفيع الـــــــــراس
زرعت طيبة في أعماقـي .=. شرواه أغلى مـــــــن الألمـــــاس
سلمان أهديك كـــــسراتي .=. يابوعمر يســـــــعد أيــــــــــامك
أهديك أجــــمل تحــــياتي .=. ياللي على الطيب عــــــــــاداتك
ياطيب قلـــــبك يابو وائل .=. شفوق دايم على أحـــــــــــــبابه
مثل الذي فالمـثـل قــــايل .=. شبه الأسد داخـــــــــــــل الغابه
لهل الكويت أبعث أشواقي .=. والكل منهم لــــــه التقــــــــدير
تحيه من داخــــل أعماقي .=. ســـــــــــــــــلام مايقبل التأخير
يهل المدينة لــــكم بشكي .=. حالـــــــــــــــي ومن حار مابيه
من شـوقي لدياركم ببكي .=. مــامـــــثـلـكم فــــالسعــــــوديه
يهل الجنوب أسمعو الألحان .=. كسرات فيها الحزن صــابر
الحزن غير على الأوطـــان .=. وفراقكم يكــــــــسر الخاطر
لــــو تبغا تفحيط مع ضجه .=. هيا لو تبغا معـــــــــــايا الأن
تلقا الخليقه لهم رجـــــــــه .=. وأحمد حمد بينـــــــهم بجنان
يأحمد حمد أسحـب ال أكس أل .=. وبخبره دقات من الطاره
واللي يتحدى مــــــــــعك ينذل .=. خليه يقعد على نــــــــاره
ياحمد حمد شـــوف جمهورك .=. قتل خــــــلايق على شانــــك
فالساحه محدن أخـــــذ دورك .=. والكل يشهد في مـــــيدانـــــك
كتبت كسره عن المــــــزيون .=. يقول فـــــــــــــيها أنا أحبــــــك
خايف من الناس لو يــــدرون .=. وأخـــــــاف لا يخلفو دربـــــك
ياونتي كل ماأشـــــــــــــــتاق .=. وذكر وليفي على بــــــالــــــي
تذرف دموعي من الأشـــواق .=. والبعد قسوى على حـــــــالـي
نار الأسا مـــــــــين يطفيـــها .=. لسارت فــــداخلي بــــــركان
الـــــــــــذكرى بنسا لياليــــها .=. مانطفي النار بـــــــــــالنيران
ياطير روح لـــــــــــبلدانــــه .=. قله بما لم ترى عيـــــــــــــــناه
مـــــطلوب عطفه وتحنانـــه .=. يرحم فـــــــــــــؤاد الذي يهواه
مســكين ماله جناح يطـــــير .=. عــــــــــــــــود عليه الألم ثاني
ماعالج الأمر بـــــالتدبـــــير .=. وأصبح على نــــــــفسه الجاني
لايغيب لا يروح تفــــــكيرك .=. تحسبني غيرك أحـــــب أنسان
ما مال قلبي لأحد غــــــيرك .=. مازلــــــــــــت أحبك لحد الأن
بشارة اليد تأمـــــــــــــــــرني .=. لـــــــــو كنت بعلا جبل لاجيك
الناس قامت تخيرنـــــــــــــي .=. أرضي الأخوه وألا ارضــــيك
حاولت أجمع حروف الحـــب .=. في وسط كسره وأغنيـــــــــها
لقيت كل الكلام ينـــــــــــــعاد .=. ماعاد تطرب معانيــــــــــــها
أهــــــــلأ هلا بالصديق اللي .=. بشهور غايب عن أحبــــــــابه
مدري على القـــــــلب متغلي .=. أو بدلو أصحابي بصحـــــابه
يامــــــــــــرحبا ألف ونهنــي .=. باللي كتب ورسل أكتابـــــــه
مقداركــــــــــــم مانقص ملي .=. راعي الوفا نقبل عـتابــــــــه
الله وأكبر نســــــــــــــــيتونا .=. من بعد كنا لكم أحبــــــــــاب
من غير كلا هــجـــــــرتونا .=. والله جعل للأمور أسبــــــاب
ياللي بكسره شـــــــــغلتونا .=. كسره وفيها جميل عتــــــاب
يصحابنا لا ذكـــــــــــرتونا .=. من دوننا لا تصكو البــــــاب
يابخت من فارق الأنـــــذال .=. أبعد عن القيل والقالـــــــــي
والهرج ماينقص الرجــــال .=. لو قالو الناس ماقالـــــــــــي
بكيت وأحسب بكايا يفـــــيد .=. يشفي فــــــــؤادي من الألام
لقيت كثر البكا بيــــــــــزيد .=. همي وحزنــــــــي مع الأيام
ياقــــلب هون على من صد .=. ياعين كفي من الــــــــدمعه
مادام ناوي الرحيل وشـــــد .=. يشتاق وينوي على الرجـعه
كل مابرق فالسحاب بـــروق .=. ورعود تتبع ضيا الــــبارق
فيها أرى بسمة المــــــعشوق .=. والأه تصدر من العــــاشق
اليوم باين علينا رعـــــــــود .=. والبـــــرق يملا السما نوره
يالله عسا فالبلاد يجـــــــــود .=. يروي لنا قلــــوب مهجوره
اش فايده فــــــــــــــالذي نراه .=. من نار جاره تـــــــولع نار
يهل ترى يحتمل جـــــــــــاره .=. ولا يبدل بــــــــــــداله جار
الجار لا تفضح أســــــــــراره .=. الجار ياعزوتي لو جــــار
لجل النبي عز مقـــــــــــــداره .=. وصا علينا بسابع جــــــار
بيني وبينك خــــــــلاص الجد .=. والمزح بـــــــطلت فدروبه
واللي بنيته معـــــــــــاك أنهد .=. خل المخالــــــــــيق يدروبه
معـــــــــــــاد يبني وبينك ود .=. خــــــــلاص من حبكم توبه
بــــــــــــنيت بيني وبينك سد .=. من بعد الأجيال يــــــحكوبه
حنا على الصـــــــعد طارينا .=. متهمنا كـــــــــــثرت الأقوال
منبيع من كــــــــــان شارينا .=. واللي تحدى يلاقــــي رجال
الناس تسعى ورا التغـــــــيير .=. وين أنت ياشاعـــر الكسره
ياشاعر الفن والتصــــــــوير .=. خـــــــــاطرك ماودنا تسره
مغصبك ياصـاحبي مغصبك .=. لو كنت نــــــــاوي تجافيني
بقطع لساني إذا عـــــــــاتبك .=. وإن رحت ذكــــراك يكفيني
لا يغرك الوقت وتـــــــــكابر .=. لاتأمن الوقـــــــــت والأيام
من نكست الحال ياســـــــاتر .=. متشوف كـــيف أنتها صدام
كــــــل ظالم اليوم مهما دام .=. مهما ترقــــــــــــا من أفعاله
إن ماتعبر بعد صــــــــــدام .=. مصير الأيـــــــــــــام تغتاله
روح ولك يوم ترجع لــــي .=. تندم على ماحصل يازيـــــن
ماضن لو عت توصلـــــي .=. وتعيش دمعك على الخديـــن
اللي جرحني وعــــني هج .=. واتعبني الجرح وزعــــــاجه
جرحه في وسط الضما يرلج .=. والقلب له نار وهــــــــاجه
الطب مافادني وحــــــــتج .=. والكل قدم لي احجاجـــــــــه
تكفون يهل الفكر والنــهج .=. كيف أتمكن من علاجـــــــــه
يازين لا تــــــــغرك أيامك .=. هذا زمن عادته غــــــــدار
لابد ماتجيبك أقـــــــــدامك .=. ترجع لنا تطلب المعـــــذار

السلام على الجميع

وطيب الله مساكم جميع
كسرات ماهي جميله وبس

كسرات انا ضايع ٍ فيها

فيها رفيع الصور والحس
وفيها من الزين كافيها

أخوي عاشق الكسرة

تسلم تسلم تسلم

لاعدمناك

تسلم تسلم