راع الزعامه
 

يالمملكه تلبســـي عشــب غيمــه *** ورشي عطورك حول قصر اليمـامه
وتطيبي بالعــود فســــكون ديمــه *** واستقبلي راع الوطـــن والزعامـــه
عضـــيد عبدالله عســى الله يقيمه *** في جنة الفردوس يحسن ختــــامــه
جـانا الملك سلمــان ربـي يديمــه *** حب الوطن والشعب جدول نظــــامه
ابو فهــد درع الرياض ونســيمه *** خمسين عام العاصمه با ســـــتلامـه
همــه مع العاجــز ودمع اليتيمــه *** ويبذل بفعـل الخير جـــل اهتمــــامه
ومع الكرم والجـود نفسه حشيمه *** وفيه الحيــأ مرســوم مثل العلامــــه
وبالعرف قاضــــي مايحب الظليمه *** مشهــود له بالعدل عند احتكــــامــه
ومحسوب مرجع للرجال الحكيمه *** وعند المشـــوره يرجعون الكــــلامه
شجاع مايقبل مزايــــد خصيــمه *** وروس الدول تحسب وتعرف مقامه
من نشأته يمشي بخطوه سليمه *** صايم مصلي والشـــــهاده اوسامه
فاسبانيـــا باني مساجـــد قديمــه *** رجل يفـــرق فالحلال وحـــــرامــه
سلمان منهج للرجال العظيـــــمه *** يسهر من أجل الشعب يهنأ منامــه
وانا سعودي يفتخر في زعيمــه *** ناشي على حــب الملك واحــــترامه
وجميع حــــربي بيعته مستديمه *** عهد عطــــوه اجــــــدادنا للقيامـــه
حنا جنـــــودك في دمانا عزيمه *** واللي يهـــم حـــــــدودنا ياظــــلامه
انغير لاشـــــفنا النوايـا عتيمــه *** ودون الوطن مانرتجـــي للســلامـه
واذا اعتزا شعب الجنوب بقصيمه *** يوحون زحف جيوشنا من تهـــامه
ان كان مانشــبع اعدانا هـــــزيمه *** يحــــرم علينـــا لبســـــنا للعـــمامه
اســـــرج خيـــولك للكبود السقيمه *** وشعبك ورا رايتـــــك رابك حــزامه

صح لسانك ماقصرت كفيت وفيت

صح لسانك يابو بشائر مدد بلا عدد
قصيده جزله من جزل