|
ياللعجب؟............................ وش غير الحال ياخي
يوم الجمعة اللي فاتت كان عند واحد من خوالي عشاء
كان عشاه لاابنه اللي راجع من سفر شهر العسل والتقيت خالي وانا مبطية عنه لانه اغلب الوقت مع ابله في الشمال الزبدة ان خالي سب فينا سب ماخلا ولا بقى وفديته حتى مسبته لنا لها وقع خاص وكما قيل الغالي غالي حتى وان جرحك المهم خالي يقول حريم هذا الوقت مافيهن خير تراه مخذ 6 وطلقهن مابقى الا الاولى وثاني وحدة اخذها يعني صاحب سوابق ويقولحريم هذا الزمن مافيهن خير من يوم يتعشن شاورماء هههه قلت غريب كني ماعرفك يالله منت كنت تمدح بهاذه وبذيك وخيلك وراهن واليوم تسب قال كنت امدح فيهن وابفاهن يوم المراة كل شيء تطبخه وتسويه مو الحين تستنى رجالها يجيب عشاها هههه ترا خالي مو كبير 53 بس شكل الصحراء ومرافقته للابل قست قلبه المهم جت هذه الابيات تقبلوها ياخال لاتشقى ولاتعيش مشقي=لاتزرع الالغام داخل حقولك اول تقول البيض مامثلهن شي=واليوم عنهن منكفاتٍ خيولك من اولٍ تمدح باهذه وهاذي=واليوم مافيهن مطابق ميولك ياللعجب وش غير الحال ياخي=معاد تهذل مع ضعنهن ذلولك مدري عقلت وصرت ماتتبع الغي=ولا الزمن جاير وثقلت حمولك البيض هن البيض من خلقة الضي=مامن تغير خل من سولفولك لو العشاء حبة شورماء وببسي=ياخال منهن ماش شين يهولك كلٍ يعيش بدنيته مثل ماهي=مواكب العصره فلا يطق جولك راضين فيهن والزمن غصب يرضي=ناظر وشوف الناس حولي وحولك اسمع سمر وش سولفت عن سفر مي=على جبال الالب وانت (بدخولك) عايش بصحراء ماتلاقي بها في=جو الحضارة مايناسب بقولك اعطيت لك نبذه عن الحال وشوي=نصيحتي خل البشر لايجولك امتداد الصحراء الدهنا تقع بين سامودة وقبة |
نصيحتي خل البشر لايجو لك
الشاعره الكحيله فيه شاعر قديم يكنى ابا عمر جوه ناس عند الابل قالو اوصف الابل انت شاعر قال ابشرو اسمعو (ترعى العرعر والجثجاث ) وهو ياقف المهم دور دور لشطر تكمله مالقى ويوم عجز قال (وام عمر طالق بالثلاث) ههههههههه صح لساااااااانك الله يعطيك العافيه |
صح لسانك على القصيده الجميله
الله يعطيك العافيه |
اقتباس:
اما الشطر يا استاذي مو عجز مني لكن حبيت اختمها بنصيحة خاصة وان خالي له بنات وهو ربي يحفظه وصلها حد خطر جدا مع انه معاه حق المطاعم فرقت الاسرة كلٍ يبغى يتعشاء ع مزاجه ماعاد تجمع الاسرة سفرة وحدة ولس باقي لي معاه معارك كثيرة هو يحب اعتراضي ويا حلات الساعة اللي فيها اتشاجر معه لاهو زعل مني ولا انا صح بدنك لاهنت مستشارنا القدير |
صح لسانك يالكحيله
دايم اهل الابل جبارين ههههه |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
ولاهان مرورك الرااقي |
ههههههههههه
الحمد لله اني مانيب خالك يالكحيلة اجرمتي فيه ههههههههه صح السانك وبيض الله وجهك |
الساعة الآن 10:37 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir