ملتقى قبيلة حرب الرسمي - ياجلال الجو طيب للمقيل / والحظيظ اللي على الممشى صمل

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

ياجلال الجو طيب للمقيل / والحظيظ اللي على الممشى صمل

ياجلال الجو طيب للمقيل
والحظيظ اللي على الممشى صمل
كم قطعنا السيل والوادي يسيل
وكم تركنا حلم لانه ماكمل
علم اللي ماكسب له من حصيل
طيب حاله خير من خوة همل
لايزيد الحمل ويحط ويشيل
والطريق ان طال يبغى له جمل
ماعشقنا غير هامات النخيل
ولاقصدنا حق طيبه ماشمل
وان جفانا الوقت والحظ القليل
نرتكي لحمول بقعاء مانمل
هيه ياذيبان عزمك لايميل
حي من جاب الصعيبه واحتمل
قول لبجاد الغلا دربه طويل
وان جفاه الشوق يذبح له جمل
ماخبرت الحب يعطى للعليل
ولاخبرت الطيب مايبغى عمل

عبدالعزيز مناور الرويثي الحربي

صح السانك لاهنت
ابداع
من اهله

صح بدنك ياكحيلة حرب

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله بدنك وماعليك زود

ووجهك ابيض

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
وعتلا شانك
ياعبد العزيز

صح الله ابدانكم جميع