ملتقى قبيلة حرب الرسمي - كل على تفكير عقله ومرباه / اما يجيلك ذيب والا دجاجه

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

كل على تفكير عقله ومرباه / اما يجيلك ذيب والا دجاجه

كلن على تفكير عقله ومرباه
اما يجيلك ذيب والا دجاجه
سلم على اللي بالمواقف عرفناه
رجل على الطيبه ينومس مزاجه
والا الردي خايب وضايع وعفناه
ماله مكان ولانبي منه حاجه
من قدم المعروف لابد يلقاه
يلقى مواقيفه ويلقى نتاجه
لو جاته الدنيا على غير مشهاه
لابد بعد العسر فيه انفراجه
الله كريم وكل خلقه ترجاه
ولاخاب عبد يطلب الله حاجه
يالله عفوك كل يوم انتمناه
وغفران ذنب ماينومس خراجه
وطيب يجملني مع الناس وابغاه
وبعد عن دروب الردى والعواجه
البارحه والضيق عندي من اقصاه
مدري وش اللي دك صدري وداجه
عليه مضمون القصيده بنيناه
وعليه هاجوس الشعر واندماجه

عبدالعزيز مناور الرويثي الحربي

صح السانك لاهنت
ابداع من اهله

صح بدنك يالكحيله

لإبداع منبعك شاعرتنا

صح لسانك ولا هنت
ابداع من اهل الابداع
لك فائق تقديري

صح بدنك يابو عادل

ماعليك زود طال عمرك

صح لسااااانك مليون وبيض الله وجهك

صح بدنك يانديم المجره

لاهنت

صح لسااااانك وإعتلى شانك،والله يبعد عنك وعن كل مسلم الضيق،،كل بيت عن قصيده ،،،،،،،،رااااااائعه وجوهره من الجواهر
ابيات موقف وتجربه ،،،،،،تسلم

محماس

صح بدنك وماعليك زود طال عمرك

عساك سالم وغانم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك