ايشوقني راع الوفا والرّكاده=واسمه محمّد بن حمد طيبه ازداد
وافي وكلّه ذوق فيه الرّياده=والجابري من قوم كسّابة امجاد
ولو ينشدوني عنه صدق الشّهاده=جاوبت فمحمّد على كلّ نشّاد
انه كفو فيه الطّناخه زياده=وصوته شجي نال التّميّز بالانشاد
ماتدخله طمعه نزيه بمراده=يختار فالجزلات كثرات الافواد
ينقى بها نقي المدرّب جياده=لاصار فيه اسباق يكسب به الماد
صعب اللحون ايجيدها بالهواده=يوم انّ غيره كلّف النّفس ماجاد
يامحمّد انته ماتجيك النّقاده=يامترجم احساس القصيده بالايجاد
روح استمر ومركزك للعماده=ويجيرك الله من نظر عين حسّاد