ماشوف لوعود الوصل اية دروب / من عام الاول والدروب تشابه
مساكم الله بالخير والرضى
ماشوف لوعود الوصل اية دروب من عام الاول والدروب تشابه أخيل برقك واتحراك واذوب وارجع اجمع ضيقتي في مهابه ياكثرها جروح العنا وين ابا توب وانا الذي لجلك عشقت الكتابه تاخذني لطاريك ياقلب مغصوب واملى الفضاء من جيتك والرحابه لين اعتلى قصرك ولبسته قلوب واسكنتك بوسطه وقفلت بابه واليوم ميلاد الغلا كله ذنوب والشوق ذابحني بكثر الرتابه اشوف حزنه يلبس لضيقته ثوب والهم عيده والأماني عذابه بالله ياصبري عسى رضاك مكتوب لو كان مالي بالكلام استجابه بنعدي الشطين والبعد مطلوب يمكن على شاطيك تمطر سحابه همالها ينهي غثى كل عذروب وبراقها غيث الفرح ياهلابه من يجحد المعروف للذنب ويتوب ياخذ نصيبه ويتحمل عذابه عبدالعزيز مناور الرويثي الحربي |
ابدعت لاشك
صح السانك لاهنت ولاهان منطوقك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسان على هذه القصيده الجميله بحق
اسجل اعجابي وتقديري اخوك نبع القوافي |
صح الله ابدانكم جميع وماعليكم زود
وحياك الله اخوي / نبع القوافي |
صح الله لسانك ولاهنت وسلم فكرك وبنانك دمت برعاية الله وحفظة |
صح بدنك طال عمرك
لاهنت |
الساعة الآن 10:42 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir