لاهنت ياراسي على العز لك ساس / مثل الجبل بالطيب ثابت وراسي
 

مساكم الله بالخير





لاهنت ياراسي على العز لك ساس
مثل الجبل بالطيب ثابت وراسي
ماكدروا صفوك خبيثين الأجناس
ولاضيقوا صدري مع الوقت ناسي
ارقى واروم المرجله وأخذ الكأس
وارسي على شط الوفا بالمراسي
ياحي من حاز الجميله مع الناس
وياحي من ذكره ينومس وكاسي
اللي يبي درب السنع يربط الراس
واللي يبي الشينه يعد الكراسي
ياكم صدر ضاق من قل الأنفاس
وياكم عين تذرف الدمع قاسي
انا سريت بتالي الليل عساس
ولالقيتك يالبخت في مقاسي
واحترت انا وشلون برجع بالافلاس
ويدين من قبلي طوتها الماسي
هذا وانا من لابة مالها قياس
حرب على البيداء سواة الرواسي
للضيف هم بيت الكرم عالي الساس
وللمعتدي نار تحش اليباسي
صغيرهم ذيب عوى وسط الادماس
وكبيرهم نجم تمناه ناسي
من غير نقص فالقبايل ولاباس
وكلن على العليا يدق المراسي
يالله تبعدني عن الضيق والياس
ويالله تغفر زلتي وانغماسي


عبدالعزيز مناور الرويثي الحربي

لاهنت ولاهان منطوقك
وصح السانك
والنعم في حرب
وكل القبايل

صح بدنك يالكحيله حرب

ماعليك زود

صح بدنك وماعليك زود


تسلم

صح لسانك على هذه الجزاله

اسجل اعجابي وتقديري

صح الله ابدانكم جميع وماعليكم زود



بيض الله وجيهكم على حضوركم وتواجدكم

صح بدنك طال عمرك

لاهنت