لاصارت الدعوى مشاريه وعلوم / مالي ومال مولعين الحريقه
 

مساكم الله بالخير








يالله عسى ماصار خيره ومقسوم
وان كان مالي فيه صبر وطريقه

لاصارت الدعوى مشاريه وعلوم
مالي ومال مولعين الحريقه

درب السلامه خيرياريس القوم
اسلم وشط النيل نلقى غريقه

ماحد يموت بدون وقته ولو يوم
لوجاه من ضيق الزمن مايطيقه

ياخذ نصيبه غصب لوكان محروم
وانته تشوف وكل نجم وبريقه

يالله بحظ ماتجي عينه النوم
دايم يجيب الاوله عن فريقه

اليا زهمته قال تبشر ومخدوم
ومايعترض في طرقته مايعيقه

صاطي وله عزم وفراسه وزيزوم
حذو الولد لاجاك حرك وحريقه

ياخذ من اللي بالحشا كنها ردوم
ويحط ماجاب الشقيق لشقيقه

تعبت اظبطها وهي كلها عقوم
صلفى وفيها من المشاكل وثيقه

اما غدت مثل المطر كلها وسوم
والا دفناها بحفره عميقه

كذا ومن دون اي خطه ومرسوم
بلوى وراحت كنها في دقيقه




عبد العزيز مناور الرويثي الحربي

صح بدنك اخوي مساعد ملايين
عساك سالم وغانم
وماعليك زود طال عمرك

كفو عبد العزيز الرويثي شامخه بشموخ قائلها

تسلم اخوي حمد الشراري

كفوك الطيب طال عمرك

صح بدنك اخوي


الله يعافيك ويسلمك

صح الله لسانك
ولاهنت

صح السانك قصيده رايعه
من عيون الشعردمت بخير