سالم وابوك محمد وجدك حجاب
 

قصيدة بالشيخ / سالم بن محمد ابن نحيت

-
-

الـقاف في مدح الرياجيل ما شاب ... الـــي بــهـا طــيـب الـمـواقـف جـبـله
ســلام يـا شـيخ عـلى راس مـرقاب ... مــاكــر حــــرار وكـــل رجـــلٍ يــدلـه
لـجـيـت بـيـته تـاجـده فـاتـح الـبـاب ... بــالـه وســيـع وضـحـكـته مـسـفـهله
سـالم وابـوك امـحمد وجدك حجاب ... مـــال الـــردى مــدخـال عـلـيـك لـلـه
وعـمـك زعـيـمٍ بـالـمواقيف مــا خـاب ... لــه مـوقـفٍ يـبـري عــن الـقـلب غـله
فـك الـجماعه بـعد مـا فـك الاجناب ... حــيــث الـمـراجـل والــوفـاء عـادتـلـه
وابـــوك فــكـاك الـمـساجين وارقــاب ... والـمـنـعـقـد لــــو زاد عــقــده يــفـلـه
مـواقـفه تـفـخر بـها كـل الاصـحاب ... حــيــث الــــدروب الـطـيـبه مـدهـلـله
وجدك حجاب الي على العز كساب ... فــارس وشـيـخ و مـاقفه فـي مـحله
كـم واحـدٍ مـن سطوته راح منصاب ... تـشـهـد عــلـى يـمـناه نـجـد الـمـطله
مـواقـفـه مــع الـمـلك يــوم الانـشـاب ... كــــلٍ فــعـولـه ثـابـتـه فـــي سـجـلـه
يـابـن نـحيت ان كـان لـلعلم طـلاب ... وقـفـاتكم يـشـهد لـهـا الـجـمع كـلـه
-
-
الشاعر / عبدالله عيد الحنيني

والنعم بالجميع
وشيوخ حرب كبار
في اسمهم ومواقفهم
ويستحقون المدح والثنا
صح السانك لاهنت
ولاهان منطوقك
ومادامها في حربي
تستحق الفايف
سترز وبجدارة

صح بدنك وشيوخ حرب يستاهلون القصيد
وبالاخص اهل المواقف الطيبه

السلام عليكم ورحمة الله وبركاته



صح السانك. مليون. وابو نواف. يستاهل

الحقيقه. القصيده هذي ما يكتبها الا شاعر وكفو