ملتقى قبيلة حرب الرسمي - ( رحم الله المهندس/ عبدالعزيز بن سليمان بن حامد ألأحمدي )

(الَّذِينَ تَتَوَفَّاهُمُ الْمَلَائِكَةُ طَيِّبِينَ ۙ يَقُولُونَ سَلَامٌ عَلَيْكُمُ ادْخُلُوا الْجَنَّةَ بِمَا كُنْتُمْ تَعْمَلُونَ )
/
/
/
/
/
/
/
/
/
/
/
/

وقع موتك صابنا منه رجفه واهتزاز=ويوم وآروك الثَّرى حزن وحسره تقتفيه
ودمع من فارقت ماينقدر فيه احتجاز=في فراقك صدمةٍ تذهل العقل النّبيه
يابو فيصل يافقيد المدينه والحجاز=ياعزيز القوم ياسعد منهو يلتجيه
العلوم الطّيبه نلتها بالامتياز=ريف ربعك ياشهم مالك بنهجك شبيه
ماخذ من اسمك نصيب الشّرف والاعتزاز=رفقتك في خوّتك همّها ماتشتكيه
نظرتك نظرة صقر فيك هيبه وارتكاز=من نظر وجهك شهد فرق وجهك فالوجيه
حايز النّوماس راسك وراسك مايراز=تستهين الكايده في خراجك ماتتيه
ومركز المعروف قلبك وعزوتك العزاز=من عطيته هقوتك راح قسمه مرتضيه
يابليغ القول حكمتك توصف بالإيجاز=فيك ذوق وفيك طيب قول قلته تحتميه
وبامر من ينشي عظام البشر بعد النّشاز=واحدٍ فيه الرّجا مايخيّب مرتجيه
يسكنك دار المقامه وتفرح بإجتياز=السّراط بسرعة البرق تسبق من مشيه
عن لضاها زحزحك ذاك يايوم المفاز=فيه ياعبدالعزيز عزّ فضله تهتنيه
ياسندنا ياالعفو مالناعنك اعتياز=وياالله اللهم بالصّبر من رثاه ومن بكيه
صادق الشّعر انكتب مادخل فيه انحياز=من ضميرٍ ماكذب في رفيقٍ مانسيه
وعظّم الله اجركم يهل طيبه والحجاز=وعظّم الله اجركم ياذوي حمّاد فيه

الشّاعر / خالد بن عبيد بن معتوق ألأحمدي