* مطرز الحرف
هيا يافارس لمن الليل ... باقي على طلعة الفجري
ندرس أمور الهوى والويل ... اللي منه ضاق بي صدري
* فارس الصاعدي
يامين مابين عدل وميل ... لاتخش لي فالهوى دغري
ماغير دمعي على المنديل ... وأبكي على الساحل البحري
* مطرز الحرف
غصباً عليه يهد الحيل ... هذا الهوى كيف ماندري
ماغير مثلك دموعي تسيل ... ولاطب لجروحنا يبري
* فارس الصاعدي
طلبت فالمحكمه تحليل ... قدام ليل الهوى يسري
جات النتيجه عذاب وويل ... آعيش فيها شقا عمري
* مطرز الحرف
ذاشي وارد على ماقيل ... مطلوبي الحل من بدري
قدام سقمي منه لايكيل ... والوقت ياصاحبي يجري
* فارس الصاعدي
مثلت حالي لكم تمثيل ... لعل معك المثل يمري
أصبر سواة البعير شعيل ... لاتحسب إن حلها جذري
* مطرز الحرف
ياهوه ماهو كذا يانيل ... صبرت حتى نفذ صبري
لو كان لي فالهوى تفصيل ... ماشكيت لك كل مايجري
* فارس الصاعدي
شرحت لك وأفهم التنزيل ... وأن مافهمتو لكم عذري
كل ماتحيل الوداد يحيل ... الحب ماينوخذ جبري
* مطرز الحرف
مشكور ياراعي التكميل ... كفيت ووفيت لك شكري
وإن كان طولت بالتدبيل ... لايجف عذر القلم حبري
* فارس الصاعدي
ياراعي الطيب والتبجيل ... مني لكم كامل القدري
الحبر باقي معك مايزيل ... وإن زال تبقى على خبري