ياهل النفاق أخذو حذركم من النار=غريسكم قدامكم تحصدونه
محد ٍ زرع زرع ٍ بلا ورد وثمار=وكلن يبى ينجا الثمر حسب لونه
باعراض خلق الله لكم شان وفكار=ولكم الفخر تقصيرهم تذكرونه
وتقصيركم عنكم بغبات الابحار=تخفوه لو كان البشر يعرفونه
وليا هرج في مجلس ٍ خطو هذار=واللي سواته بالخطاء يلهمونه
سوى على الغافل كواليب وسوار=واللي فعل من خير ما تنطقونه
والله نهى راع النميمه يالاخيار=وش علمكم درب الخطر تسلكونه
أنزلكم رب الملا وعد وأنذار=في محكم التنزيل ماتجهلونه
عفو عن أعراض البشر وبنو الدار=بذكر والتسبيح شدو ركونه
أخير من قول ٍ بلا عرف ونكار=في غايب ٍ لحمه تقل تاكلونه
ياهل النفاق أخذو حذركم من النار=غريسكم قدامكم تحصدونه