ملتقى قبيلة حرب الرسمي - يالله لك الحمد يامجزل بمعروفه // ياعالم بكل مايجري بالايامي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

يالله لك الحمد يامجزل بمعروفه // ياعالم بكل مايجري بالايامي

يالله لك الحمد يامجزل بمعروفه = ياعالم بكل مايجري بالايامي
يامن بتسبيحك الثمرات مقطوفه = تهار قيضه على روس البشر حامي
في يوم الاعمال معروضه ومشيوفه = ياسعد منهو مشا في شرع الاسلامي
من بعدها ياهجوس الشعر وحروفه = مانسجد الا لمن بالسر علامي
لاحن رعاده ولا لاح كاشوفه = ركزت في عالي المرقاب الاعلامي
وليا احتدم بالمعاند سلة سيوفه = نذراً عليه لطوع كل الاخصامي
اصحاب الانصاف بالانصاف منصوفه = وقوم التكبر تبي تصغر وتنضامي
وليا تردى البخيل وقصرت كفوفه = ماني لوارد سلامه جايع وضامي
ولاني بمن يلحق المقفين بحسوفه = ولاهو مساوي ثمن طلقه من حزامي
ان جيت في مجلساً تكرم به ضيوفه = تلقى المكارم وذي عادات الاكرامي
وان رحت في سكةِ بالعز محفوفه = ماضاق درب السعه عن سج الاقدامي

صح السانك وسلم بيانك
ونص وافي لاشك
لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اقتباس:

المشاركة الأصلية كتبت بواسطة الكحيلة (المشاركة 1418626)

صح السانك وسلم بيانك
ونص وافي لاشك
لاهنت

صح بدنك
وشكرا على مرورك
ولاتهونين
انتي من الشاعرات اللتي ننتظر جديدهن لاشك

صح بدنك ولاهنت