سج الهجوس ':':':':'::::::':':':':':':':':
 

...

(( سج الهجوس ))
قصيدة للشاعر /
فواز بن محسن بن لاحق الزويهري الحربي





سج الهجوس وكل عز ن لك يكون
وابني بروج المجد ووثِق لها الساس

بعض العرب يسوا من الناس مليون
وبعض العرب وجهه يضويك الافلاس

والرجل لا قِيل الشديدة لها دون
من دونها يوقف على كل مِروَاس

هذاك حطه سيف باتر له اطعون
والحر له فارق على كل قرناس

وبعض العرب تبغ ن يِعَمَّر فغليون
ما يروي الضامي ولا يجلي الباس

واحذر تماشي خبل لا تصير مجنون
واحذر من المقفي ترا المقفي إركاس

واحذر تجادل جاهل القوم ملسُون
لا أَوحَلَت حِجَّته للعِرض مسَّاس

ولا جيت في قومٍ ترامِق لك عيون
انصحك معهم لا يجي لك مجلاس

امجالس الاغراب ماهو بمضمون
اللي بدا منهم تِوِجِّس وهوجاس

والرجل بلسانه ترا صدق مرهون
والصمت . يحيِّر من يقابلك يحتاس

وليا بديت القول ابديه بفنون
واجعل في هرجك مخرج ن دونه اقياس

والشعر حكمه .. واكثر الناس يبنون
وبني الصخر معروف له ناس عن ناس

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

صح الله السانك لاهنت
ولاهان
منطوقك

صح بدنك وسلم غاليك والله يبارك فيك

صح الله لسانك
ولاهنت