استغفر الله من مجادل بلا فود = واعوذبه من كل خبث ولكاعه
على الدروب الوضح مغزا ومقصود = ويامقتنع يقنعك قولك قناعه
بالمرجله مايلحق الرجل منقود = ولاتاتي الا بجود ولا شجاعه
وعيب الرجل لاقال عن قوله يعود = من يخلف اقواله ماتمدح طباعه
ومن يدعي من دون برهان وشهود = ياكل قراطيس الحبر بالطباعه
والعيب يامن تعرف النقص والزود = باللي مايعرف هامته من كراعه
والدار دار العز وحدودها حدود= لقيت شلو بوادي (ن) سال قاعه
حما النماره ماهو بساحة قرود = ماينطح سباع الوغا الا سباعه
خلفك رماح وقدمك السيف مجرود = صبحك مسا وقافيك بالليل ساعه
ما يكحل عيون العدو غير بارود = اطيب تجي بالنحر ولا خداعه
دجال ماتندى يدينه من الجود= لا عودت للفعل ابقصر ذراعه

المشاركة الأصلية كتبت بواسطة الكحيلة (المشاركة 1417533) وعيب الرجل لاقال عن قوله يعود = من يخلف اقواله ماتمدح طباعه قاعدة تعارف عليها من يعرفون معنى الرجولة صح السانك لاهنت

المشاركة الأصلية كتبت بواسطة نديم المجرة (المشاركة 1417559) صح السانك وبيض الله وجهك

المشاركة الأصلية كتبت بواسطة فواز الزويهري (المشاركة 1417577) الله الله صح لسانك وبيض الله وجهك

المشاركة الأصلية كتبت بواسطة الحب الباقي (المشاركة 1417585) صح الله لسانك يا القرم والله يـعـطـيـك الـعـافيـــــــــــة بيض الله وجهك