مبروك ......نايف بن مياس
 

ياصاحبي جعل الشهر مبروك
والعيد نبغى منك عيديه
حسب مزاجك والامر متروك
اللي تحط ايديك بيديه
ياعنق ريم ماربى بشبوك
حمايته للعيش فطريه
يوم ان عمرك كان عمر ابوك
قبل سنة سبعين هجريه
يوم ايتنازع بالديار املوك
من قبل توحيد السعوديه
حتى رماة الصيد مايرموك
يبعث لهم منظرك حنيه
يروونها قصه ليا شافوك
تمشي خلاف الريم ريميه
والخشم سيف بغزوة اليرموك
خالد وفي غزوه مصيريه
وصفت سنونك لاتبسم فوك
صفت جيوش الحكم نازيه
والشعر ليله لابقى مفكوك
تسعه ورى عشرين شهريه
اهلك بحسن التربيه ربوك
يدرون مثلك ماخلق زيه
من قبل سن التغطيه غطوك
والحال مبطي منك مبريه
يضرب بقلبي كل مانادوك
بين الضلوع الحدب جنبيه
خيال زولك دايم مشروك
يروح بالروحه وبالجيه
جتك الجموع وكلهم ما ارضوك
لك نظرتن ماهي بعاديه
مادمت عارف قيمة اللي جوك
عن مسنوى مالي وشخصيه
اهلك بحب المال ماباعوك
عطوك للمطلوب حريه
بجيك واطرق بابك المصكوك
افديك بالروح الفدائيه
وروحي ليا رديتها سموك
جاني وقاتل روح قيسيه
وان كان بعدي بالكلام اضنوك
ابغى هديه منك يوميه
تدعي لروحي كل ماعزوك
لله راضية ومرضيه

نايف بن مياس الفريدي

ابارك لك اخي ابن مياس حلول شهر رمضان المبارك واسأل الله الكريم
ان يعيننا واياكم على صيامه وقيامه وان يكتبنا فيه من المقبولين

الله عليك
ياصاحبي جعل الشهر مبروك = والعيد نبغى منك عيديه
حسب مزاجك والامر متروك = اللي تحط ايديك بيديه

لمن يسأل عن معنى السهل الممتنع يجد الجواب في هذا النص

عذوبه
أبداع
جزاله
سبك
لله درك يا رجل

صـــح لــــســـانـــك واعتــلا شــانـــك يالذيب

نص رااقي لاشك
صح السانك لاهنت

عبدالله المزيني
صح بدنك ماعندي رد ع اطراءاتك اكتب وامسح لك الشكر
الحب الباقي
الكحيله
صح الله ابدانكم

صح السانك الله يعافيك