|
تحية من الشيخ حسين بن مريع وردي عليها
كعادته تلطف الشيخ حسين على اخيه الاصغر برسالة وسلام قال فيها
سلام توه علي اطرى بعد ميزت الاصحاب = ولين شخصك عزيز وعندنا عالي مقامه قدام عامين خطك جا ونا حاسب له احساب =في ملتقى حرب مرسل لي وشرفني كلامه وهذا التصرف يجي من واحدِ للمدح كساب = وتعده الناس عنوان الوفا والاستقامه واليوم مع عابر اجواء الفضا مرسل لك كتاب =عساه يوصل جنابك وانت في حال السلامة حملته اشواق قلبِ للوفا والطيب طلاب =ماله هدف غير يحمل لك سلامه واحترامه وان قالوا التاس يازين الصلة مابين الاقراب = مع عسر الاوضاع خط الرجل نايب عن ليامه ياخالد اسلم وسلم لي على الوالد والاحباب= وللي يقابلك قول الشيخ يهدي لك سلامه وهذا رد اخيه الاصغر
يامرحبا ياهلا باللي لهم في القلب محراب = شيخ ليا ذكرت شيوخ العرب عالى سنامه يامرحبا والسعد بادي بكم مرسول وخطاب = غرهد ياقمري لاجل عينه وغني ياحمامه شرفت خالد بخطك ياعسى تفداك الارقاب = والواجبة لك يابو ماجد وقدرك فوق هامه كيف انت لاهنت جعلك طيب وتكساك الاطياب = شوقي لكم شوق من شوقه قصر عنه كلامه انتم كما نخل ظله كاسيً وديان وشعاب = عالي وصافي عذوقه مشربه وبل الغمامه اما ابي طال عمرك ماعليه خلاف واتعاب = سافر ليا دار هز الروس لاهلها علامه واختامها لك سلامي عد من ودى ومن جاب = وانا اتحرى قدومك يوم تاتي بالسلامه اخوكم خالد العمري الحربي |
السلام عليكم ورحمة الله وبركاته
ونعم اسناد كفو ورد كفو. معنى. عميق وشعراء كفو |
وعليكم السلام ورحمة الله وبركاته اهلا ومرحبا
حياك الله ياولد العم وماعليك زود عزوتي .... شرفني مرورك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك و بيض الله
|
ابن العم العزيز الحب الباقي
تسلم على مرورك وكل عام وانتم بخير |
ابن العم العزيز نديم المجرة
صح بدنك ياولد العم ووجهك ابيض كل عام وانتم بخير |
اشكركل من مر وشرفنا بمروره كما اشكر الاخ الشاعر خالد لوضعها في بيت من بيوت حرب وهو ملتقى قبيلة حرب الرسمي الذي نتشرف باننا من منسوبيه
وشكرا وتحية للجميع |
صحــت السنتكــم دمتم برعاية الله وحفظة |
الساعة الآن 05:36 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir