سلام تسليمه مثل ليلة العيد=عيد ارمضان اليا قضينا صيامه
يفوح منها الطيب فوح البغاديد=بوجار شيخٍ فيه جود وقرامه
ياعيال وايل ذابحين المفاريد =وعوق العديم وساس عرف وزعامه
ياهل الوفاء ماهي هياط وهرابيد=لابه لكم في هامة المجد هامه
ارجال دنيا ودين نعم الاواليد=خوه وجيره مع كرم وستقامه
وان صارت الدعوى بخشم البواريد=والرمح والشلفا وقل السلامه
عاداتكم ذبحة شيوخٍ صناديد= في يوم نجدات الفتى من حزامه
اليا اختلط عج الرمك والعباريد=تثنون يالويلان دون الجهامه
ستر االعذارى لاهبا كل رعديد=في يوم يشدا يوم حرب الرغامه
الطيب ماله ياهل الطيب تحديد=وماكل من يبغاه حقق مرامه
قمة جبل مرقاه صعب ومسانيد=كايد وعن راسه تقطع غمامه
يصعب على راع الهروج السراميد= اللي حياته بين هون ورخامه
ان صملو بالراي قطاعة البيد=اكبر طموحه عند حلة مدامه
يضحك ليا صكن ضحا حوله الغيد=والضيف لاشافه تراقل عضامه
كلام حربيٍ على حق ومفيد=شاعر وله بين الرجال احترامه
ماله ورى ذكر الحقايق مقاصيد=الصدق مثل النور يجلى ظلامه
والظلم ضلما والخطايا مناقيد=يجزى بها الانسان يوم القيامه
يومٍ يشيب فيه من يرضع الديد=والشمس فوق الروس مقدار قامه
يالله يامغيث السهول الجراهيد=انك تجنبنا طريق الملامه
وتجيرنا من شر كل المقاريد=سود القلوب اهل الردى والغشامه

المشاركة الأصلية كتبت بواسطة الحب الباقي (المشاركة 1408133) تسجيل تواجد في منبر الجزاله صح لساانكـ بيض الله وجهك

المشاركة الأصلية كتبت بواسطة ابوهليل (المشاركة 1408142) الشاعر العلم سعد المحمدي تستاهل قبيلة عنزه عيال وايل مثل هالقصيده الفاخره بيض الله وجهك وصح لسانك

المشاركة الأصلية كتبت بواسطة صلاح الحيسوني (المشاركة 1408143) صح لسانك بيض الله وجهك وعيال وايل يستاهلون

المشاركة الأصلية كتبت بواسطة بن مريع (المشاركة 1408225) والله والنعم فيك وفي عيال وايل يا بو تركي يستاهلون المدح صح لسانك وسلم منطوقك على هذي القصيده عزالله إنها تنومس ويطرب لها السامع إحترامي لك