|
((( من جديدي مديل 2014 كامري )))
من جديدي مديل 2014حبيت ادغدغ بها مشاعر الشباب والشابات اللي قلوبهم خضر اتمنا اتمناانها تلقى في قلوبهم ماتمناه من استحسان والى على الاقل لايسبونني ترى قلبي مرهف
وحساس اوي (فتى ديم )اقول
الله خلقني للغظي عبد مملوك = مملوك انا لزين الحلايا الجميله اللي بزينه يشبك القلب بشبوك = ماسور في حبه ولا فيه حيله عن غيرها يناس القلب مصكوك = دايم تخيله بنها ره وليله امتيمن بالزين ولاهوب مفكوك = حلف لي سرني بذيك الجديله طول اوبياض وزين والعود محبوك =عذروبها ياناس انه طويله ويلامشى كنه يمشي على شوك = الردف نابي والمثاني هزيله هذا بعض والبعض تراه متروك = فكري قفل يناس مافيه حيله والنقد مفتوح |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
رؤعه في الجمال صح لسانك شاعرنا الكبير
|
صح لسانك
خوش دغدغه |
صح الله لسانك ولاهنت وسلم فكرك وبنانك دمت برعاية الله وحفظة |
الله خلقني للغضي عبد مملوك
مادام سمحت بالنقد يالغالي عندي على الابيات اعلاه نقد ولاكن لن اتطرق له ساكتفي بهذا الشطر عزيزي لقد تقولت على الله بكلام غير صحيح وهذا مايجب منك انت مسلم وتخاف الله لقد قلت الله خلقني للغضي عبد مملوك وهذا غير صحيح الله يقول وماخلقت الجن والانس الا ليعبدون فلم تخلق لعبادة البشر ساكتفي بهذا |
لا ازيد على ماقاله شاعرنا القدير ابو هليل
احياناً نقول الكلمة لا نلقي لها بال وهي فالحقيقة إثمها كبير نتعدى بها على حدود الله عز وجل 0 فما بالك كلمات وجُمل يافتى ديم وكلنا خطأون وغير معصومون من الخطأ الغير مقصود استعفر الله لي ولك ولسائر المسلمين |
نقدكم مقبول وعلى العين والراس ومنكم نستفيد وهذا اللي قصته مشكورين ونعدل البيت
ونقول
الله خلق لي قلب لاشك مملوك = مملوك انا لزين الحلايا الجميله اللي بزينه يشبك القلب بشبوك = ماسور في حبه ولا فيه حيله عن غيرها يناس القلب مصكوك = دايم تخيله بنها ره وليله امتيمن بالزين ولاهوب مفكوك = حلف لي سرني بذيك الجديله طول اوبياض وزين والعود محبوك =عذروبها ياناس انه طويله ويلامشى كنه يمشي على شوك = الردف نابي والمثاني هزيله هذا بعض والبعض تراه متروك = فكري قفل يناس مافيه حيله والراي للكل تحياتي للجميع |
اضافة لملاحظة ابو هليل فيه اخطاء من ناحية الوزن اعد النظر
|
محاوله جيده
وتمنا لك التوفيق ملاحضة ابو هليل في محلها وابو هليل شاعر جزل وناقد بارع استفاد من الكثير وانا اولهم حيث النقد من صالح الشاعر الطالب ملاحضته صحيحه والحقيقه محاوله تشكر عليها عليك الاسمراريه الله يوفقك |
الساعة الآن 02:48 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir