يابو سعد تكفى نبي يوم تمديد = لمندوب قسم السيطرة والقيادة
يبلغ فؤاد الشيخ لا يعكس السيد= وبعد الهناء و العز يلقى القرادة
عبد الله السدحان جايب معه قيد= للهامل اللي ما يعرف الركادة
وان ما تهادى الدواء عند ابو زيد= يداوي اللي علته في عناده
الوقت ماهو وقت شجب وتنديد= ولا وقت يقبل فيه كلمة اعادة
ياكم قلنا هيد ويزيد ونعيد= و لا يوم شفنا في الاعادة افادة
وبعد اتضح شقر العصا بالاسانيد= وضاع التعب بين الردى والريادة
ما احنا من اللي قبل لا يضمن الصيد= من طيحة الحظ قام كسر شداده
لكن نخاف يقال بدرتوا العيد= وعيب على رجل يحطب لجرادة
ولا نقولها بين الرجاجيل تهديد= و الا رضينا يا عرب بالكدادة
نسري مساري ذيب ونسج في البيد= في كفل من يعلم نوايا عباده
وقل له ترى السدحان ما يعشق الغيد= ولا يعشق الراحة ونوم الوسادة
لا غار مايعود بلا بشيء ما يفيد= وان مات فعله بعد موته شهادة
عينه لراس المجد ما يريد تمجيد= يرقى سنامه و يتحمل جهاده
وايبادل اهل الطيب بالطيب ويزيد= منه يمد الطيب طيب زيادة
وعن راعي البطال يغض ويحيد=لو فاهم قصده وعارف مراده
الا ليا من جات في الحلق تحديد=حتم عليه الحلق يقدح زناده
ولا ينكر انه فيه مثله محاميد=وفيه من زايد بمده وماده
خذها بروس اقلام من دون تفنيد= ما كل سيد يستحق السيادة
احد لسانه نصبه في العرب سيد=واحد بفعله كامل الدار ساده

المشاركة الأصلية كتبت بواسطة حفيد الحجيري (المشاركة 1403561) صح الله لسانك بيض الله وجهك الله يعطيك العافيه لا عدمناك