لاتزيد احراج يالوجه الضّحوك=صاحبك فالودّ في وضعه لغط
ان جهرت الحبّ خايف يحسدوك=ولو كتمت الحبّ تفهمني غلط
يابهيّ الحسن واهلك دلّعوك=زين وجهك مع دلالك مختلط
حضّ من يجلس معك ماهو باخوك=ومن يفارق زين وجهك ماانبسط
طلّتك تشبه لناسٍ ناظروك=المطر لاهلّ من بعد القحط
لك جمال امتاز في هيبة ملوك=والمهيب ان كان شافك يختبط
ياقمر ماقدر ياصلّه مكوك=ومن يقارن فيك عزّ الله ورط
والعرب تاييدهم لمّك وابوك=كان منصف لك ولاهو بالعبط
لجلهم قدّام ذالك صنّفوك=في ملوك الزّين تتويجك شطط
عذرهم يوم انهم مارشّحوك=قدر ذيك الجايزه عنّك هبط
ليتني خيره لكم لا خيّروك=واهني من كان فيكم مرتبط