قدامنا عنتر شكى حب عبله=ومن بعدهم قيسن شكى حب ليلاه
ثم الوليعي بعدهم ضاع شمله=حتى رمى نفسه من اجبال رضواه
وتلومني في ودهم ليش يبله=عساك ماتسلم بلاويه ياصاه
واشوفكم ناشب مكتف في حبله=تشكي هواذينه وتشكي بلاياه
حتى تعرف الود مافيه شتله=اليا ابتلا راعيه ضاعت مزاياه
ياكم من عاقل غدا منه عقله=وعمي البصاير كلها من سواياه
ياليتني تايه وغافل في غفله=لاجيت في دربه ولااعرف حلاياه
والقلب عن كل المخاليق اعزله=واعيش وحدي واطلب الرب في رضاه
هاذا مناي ولالناغير شبله=لاكن ماكلن لقى ماتمناه
للود ولله فالمخاليق صطله=اسأل مجرب كان ماذقت بلواه
هاذي ردودي لك جاتك بعجله=هيضتني بالحرف ياراعي الشاه