ياوطنّا ياوطنّا لو حكينا=عن غلاك اليوم ما نوفي النصاب
القلوب إفداك مرسى لك ومينا=وياعسى منهو يعاديك بعذاب
لجل حبك نصبر ولو كان فينا= نقص واضح انكشف خلف النقاب
ولو حكينا بالمشاكل مانتهينا=حالنا وضعه يجيب الإكتئاب
وان جبرنا الوقت نحكي ما لقينا= من بيسمعنا ويقبل ذا العتاب
شعب واحد بالوطن بس إبتلينا=بالوفود القادمه من كل باب
من جميع أقطاره العالم يجينا=والرجوع لديرته يصبح سراب
يسرق وينهب ويتبلّلآ علينا= وان شكينا الحال مانلقى الجواب
والمواطن صار مكتوف اليدينا= والفساد فكل شيٍ مايعاب
والخلل واضح ولكن ما قوينا=نصلح الأحوال من رغم الصٍعاب
ياوطن غالي ولك حقٍ علينا= والوفاء لك حق واجب ان يُجاب
كلنا جندٍ على ارضك ربينا=نعشقك من دون شك او رياب
في قيادة خادم البيتين لينا=دآم شرع الله يطبّق ما يُعاب
والرجا بالله وماغيره رجينا= يحفظ بلادي ودعوتنا تجاب

المشاركة الأصلية كتبت بواسطة فايزموسى البشري (المشاركة 1392969) صح السانك الله يعافيك

المشاركة الأصلية كتبت بواسطة الحب الباقي (المشاركة 1393032) صح الله لسانك يا القرم والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة فهد ابن غانم (المشاركة 1393269) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة صلاح الحيسوني (المشاركة 1393445) صح لسانك لاهنت