الليل ياصياف و الدرب قدام= حنا سمعنا أعلام و أعلام و اعلام
مار الكتابة رمز من روس الاقلام=و الله يعز الحكم و يعز الاسلام
ارتاح ياملفي و أبو مشعاب= صياف بن عواد جاء دوره
البرق يبرق كل عينٍ تشوفه= مير النتيجه يالحروب معروفه
لو طرقة الوجه الكريم أمخلوفه=و الله يعز الحكم و يعز الاسلام
ليته يحسب للعلوم حساب= ياحرب أهل رابغ و مستوره
بغيت ألد بنص عيني و هونت= لو أن مافالملعبة غير أنا و أنت
أنا معك ذيك الليالي تعاونت=و الله يعز الحكم و يعز الاسلام
أشوف راسك مثل رأس الداب= ياكل و سمه وسط حنجوره
العب يالالاله ثم ياهملالي=قدام لايمطر عليك الخيالي
و أشري بدالك و أنت تأخذ بدالي=الله يعز الحكم و يعز الاسلام
من يشتري سيفٍ بغير إنصاب= إيجيبها قشرى و مكسوره
أنتم تسابقتوا تبون الطماعه= و الكل منكم رافعٍ عن ذراعه
ثم أنتهى الموضوع في ربع ساعه=الله يعز الحكم و يعز الاسلام
الكل منكم فاتل الاشناب=و أسبق من اللاعب على الكوره
إن كان عندك سيف شيله ورده= خله ليومٍ فيه تقدر تحده
يوم أن كلاً يعتزي بأسم جده=الله يعز الحكم و يعز الاسلام
ماضايعٍ حقٍ و له طلاب= و سحيم منهيه و مأموره
حنا عيال قضاه و الكل قاضي= لو رحت معنا نرسلك للمقاضي
و أنسجل اسمك في جريدة عكاضي=الله يعز الحكم و يعز الاسلام
لو رحت معنا طاب فالك طاب=لو يدك بالمسمار مسموره
خلك هنيا و أستمع للأوامر = لاتأخذ ىالسبحه و تقعد تزامر
اللي ماعنده مرجله مايغامر= الله يعز الحكم و يعز الاسلام
مافيه لاشارب و لاشراب= إلا عيال تلعب الكوره
مادام أنا غايب و لارحت معكم= من شال أوانيكم و من هو نفعكم
و اللي على شيل المقاضي جمعكم=الله يعز الحكم و يعز الاسلام
و الله لو ما أنته من الشياب= فرش ابن طمحي بباكوره
كبرت يالين صارت كبيره = و أعلنت بالاخبار في كل ديره
و اليوم ياصياف صارت صغيره=الله يعز الحكم و يعز الاسلام
مانعرف الصادق من الكذاب= مار الجمل نوخ على زوره
راحت عليك المرجله ياولد هن= يسدك الترحيب مع ضحكة السن
لاتبلش الفنان مع لعبة الفن=الله يعز الحكم و يعز الاسلام
طال النهار و كثرة الاسباب = و الظاهر أن الناس مسحوره

المشاركة الأصلية كتبت بواسطة سلطان الغيداني (المشاركة 131302) الله يرحم صياف كان شاعر العصر الذهبي للمحاورة الله يعطيك العافية يافارس عوف كثر الله من أمثالك