العهد به والعمر عشر وثمان =تو- طلع التين بغصون شجره
نصفهن قاسي ونصفن به ليان =مختلط فيهن بياض بحمره
اليا حشرهن تحت زرالجيب بان=من حمر حب الكرز نص ثمره
ريح هيل معه نسبة زعفران =يفوح مـن حمرة صباح بنحره
عود موز وان تحرك خيزران =ظــامر مشــدود بـطنه لظــهره
خلقة الله لارجيم ولامران = قـطـعتين مـوصـــلات بجــزره
رف بالعليا ينبع منه الحنان= والخلفي يلقى عن الارض شعره
اول ماقابلته بذاك المكان = صــابتني حـمـى وبروده وخــدره
كل ماقلت استعدت الاتزان = ترجع الحـــاله اليا دار أنظره
واحس برجفه وبالقلب خفقان= ويوم الله قلبي على الخوف أنصره
وزالت الرهبه وحسيت بأمان = اندهشت انظر بروعة منظره
ماينصفها لو اوصفها اللسان= ياكثر دره وياعمق ابحره
الجمال المعجر بهذا الزمان= اظهر الله فيها للناس اصوره
من اعجاز الله في خلق الانسان = حوريه من نسل رجال ومره
حيرت علم البلاغه والبيان = العفو منكم ومنها المعذره
واالله اني حصان مايقبل عنان= حط به قفل الفرنجه واقهره
وعصرقلبي عصر عصفورالزيان= بيد غرير كل ما رف أعصره
من يلوم سعود لو صابه جنان = لو تمره كاشفه زاغ ابصره