ملتقى قبيلة حرب الرسمي - مرثية في الوالد يرحمه الله بصوت المنشد عادل البشري

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

مرثية في الوالد يرحمه الله بصوت المنشد عادل البشري

http://www.youtube.com/watch?v=lSFz6xGwMtc&feature=youtu.be&noredirect=1

جدول دموعي ما بدأ له حدودي = يجري سواقي ماطفى جمر فرقاه
لو كل من تذرف دموعه يعودي = من فارقه 0 مانلتقي حي ننعاه
راضين بامر الله إله معبودي = لله ماياخذ ولله ما اعطاه
يلايمي من قال الا واوجودي = ليتك تحس بشي من جُور ماجاه
كني سجين وكبلته القيودي = لا ميت من داءه ولاحي بدواه
كله على اللي نايفات الحيودي = في رؤسها منزال باسمه تسماه
شيخٍ بفكره عن ربوعه يذودي = وبالمال لو إن الزمن جار ما اعضاه
من هيبته تاقف جموع القعودي = للمجلس اميره وبعلومه احياه
ولا حان للشجعان قدح الزنودي = من قدح زنده ياصل العلم منهاه
للعرف مرجع والعوارف يقودي = ومنصى لربعه والرياجيل تنصاه
للضيف واهله والرفاقه يجودي = وجاره يمره ماخبرنا تعداه
مرحوم ياشيخ سكن بالحودي = يالله عسى في جنة الخُلد مثواه
يالله يارحمن حي و ودودي = برحمتك غفران واحسان تجزاه
وإنك تصبرني وفوقه تزودي = سلوان يامعبود ماخاب رجواه
وختامها عداد كل معدودي = صلوا على اللي بامته خير سواه

صح لسانك يابومحمد ولسان المنشد بيض الله وجيهكم

وغفر الله لوالدكم واسكنه فسيح جناته

تسجيل تواجد في منبر الجزاله
صح لساانكـ
ورحم الله الوالد واسكنه فسيح جناته

صح اسانك ورحم الله والدك

كلام رايع
الله يرحم الوالد

الله يرحمه رحمة واسعه ويسكنه فسيح جناته ويثبته عند السؤال...
مرثيه جميله والمنشد صوته ماشاء الله رائع .

ابو محمد
الله يغفر لوالدك ويسكنه فسيح جناته
صح لسانك
ولسان المنشد عادل البشري

غفر الله لوالدكم واسكنه فسيح جناته
اللهم تجاوز عنا وعنه كل ذنب وتقبله قبولِ
حسن
صح السانك
مراقبنا وشاعرنا القدير
بخيتان البشري
ولاهان المنشد الراائع عادل البشري

الله يعفو عنه يرحمه ووالدينا وجميع اموات المسلمين وصح لسانك