كلن بها الدنيا مصيره زواله= الخلق يفنى والبقا لرب الارباب
حتى النهار يحل ليلة بداله =لا قربت الضلماء صدف نورها غاب
والعمر مثل حلته وارتحاله =كنه يجي من باب ويروح من باب
يقضي حياتة ما قسملة مجاله =ورزقة وعيشة جلبهن فعل الاسباب
يولد لحالة ثم يرحل لحاله =يدخل فقير ويرتحل بس بثياب
وكلن عطاه الله عقل ولادله =وهداة للنجدين والفعل بحساب
ومخيرن في مسلكة مابداله = والحسنة بحسنات والذنب بعقاب
ومعلمن درب الحرام وحلاله =مبلغن من أشرف الخلق بكتاب
والحق حجة لامجال لجداله =مرسخ التاريخ من عكف الاشناب
من يفتح المصحف فهم للدلاله = ومن يفهم السنة عرف والجهل غاب