ياسلام الله سلام (ن) فيـه طاعـه =
=لله المعبـود ومحـمـد رسـولـه
والرسول المصطفى راع الشفاعـه =
=هو شفيع النا في يوم (ن) زاد هوله

مرحبا والدين للمسلم طماعـه=والحضيض اللي رضا ربه ينوله
الرسول المصطفى راع الوداعه=جعلنا في جنة الفردوس حولـه

البقا والدين تقوى مع شجاعه=
=ماتو الشجعان ضحو ناضلو له
والقناعه ياسعد مابـه قناعـه =
=خزنة التاجر ملاها مع حثوله

الجدار ايقال عـزه برتفاعـه=لاتعم الناس في علـمٍ تقولـه
عارف انا وسط بيرٍ دون قاعه=والسبب قل الامانه والعمولـه

يذكرون الطيبين ابكـل ساعـه=
=طيبهم معروف له صوله وجوله
والمرض معدي مايوجدله مناعه =
=يشفي الله كل مرضان (ن) بحوله

الكلام الصدق مانطـوي شراعـه=مير الشوف الناس من ذكره جفوله
مشكلتنـا مـن مذيعيـن الاذاعـه=دولةٍ يصاحبي فـي بطـن دولـه

الكلام الصدق يلزمنـا اتباعـه=
=مار في تال الزمن ماشيف زوله
والصناعه عندنا مامن صناعه =
=والمصانع تصنع النا بالعمولـه

نطرق الدربيل ماشفنـا شعاعـه=قالو العـذال راح العـام جولـه
جيت اشخص كل عله بالاشاعـه=مير خفت ان الجبل تصحا وعوله