هيه ياللي لياشفته يدرج خطاه=قلت من قايد الغزلان فيه وسمه
اشهد انه شبيه الريم طبع وحلاه=ولي تحفظ على التشبيه لا يضلمه
اغرقتني بحوره وين طوق النجاه=غير وش تخفي الايام مانعلمه
نظرته في خفوق القلب دكة حماه=لين حرك شعور الشاعر المفعمه
ماكتب في عيونه نون عيني قراه=احرقتني سهوم العين بالسلهمه
وان تبسم وحرك للكلام الشفاه=العسل تقل يرعاه النحل من فمه
ان توفيت لجله سجلوها وصاه=والشهاده توصل قاضي المحكمه
ادفنوني وقولوا طيب الله ثراه=بس لا احدن يوجه له ولا يشتمه
كان للدين حكمه بالقصاص الحياه=التسامح سماة الامه المسلمه