ملتقى قبيلة حرب الرسمي - مادام يالدنيا مسافر ورحال

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - مادام يالدنيا مسافر ورحال (http://www.m-harb.net/vb/showthread.php?t=147214)

مادام يالدنيا مسافر ورحال

يـالله ياربي ويـا راس الاموال
نطلب رضاك وبُعد نار اللواهيب
مافيه بالدنـيـا قرار(ن) ومنزال
كلن بهالدنـيـا سواة الاجانيب
دنياك وان غنت من الفرح موال
احذر تبسم يوم لام العواجيب
ياكم رجل(ن) ممسي(ن) طيب الحال
واصبح من جروحه يجر النواحيب
يجري ورا الدنيا ويجري ورا المال
ناسي جروح انيابها والمخاليب
يطلب رضاها بالفعايل والاقوال
ومن يرضي الدنيا تجيه العواقيب
صل الصلاه وفارق القيل والقال
ووفي مواجيب اللزم والاصاحيب
مـادام يالدنيا مسافر ورحــال
مايلزم الرجــال جمع العذاريب

وسلامتكم وكل عام وانتم بألف خير
أحمد الخواري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك ومنور يالحب الباقي

صح السانك لاهنت
ننتظر جديدك

صح الله لسانك
ولاهنت
وسلم فكرك وبنانك
دمت برعاية الله وحفظة
وكل عام وانت بخير

صح لسانك
يالحر الاشقر

صح لسانك واعتلا شانك