وابوك ياوقـتٍ كثيـره بلاويـك = ياما افقدت عيني من الناس غالي
مرحوم يامن دمعة العين تبكيـك = يامن على روس المراقيب عالـي
صيّاف ابن عواد مااحدٍ بناسيـك = ياابن الحرار اللي تفـك التوالـي
تدحم بجنبٍ منه ضايق معاديـك = واللي تنكرلك مايسـوى ريالـي
تبكيك حرب اللي تنومس بطاريك = وعزوة شبابه في جنوب وشمالي
والمملكه وارض الخليج ومحبيـك =ويبكيك شعرٍ بآخر الوقـت بالـي
ياشاعرٍ باالقاف وينـه مجاريـك = يامدرسة نقض وفتل وارتجالـي
تاقف مواقيف السعد حين يدعيـك = الماقف الغصاب مثـل الجبالـي
ماغيرت سـود الليالـي مباديـك = ولاتشتري هزله وسـوّام غالـي
من خلقتك طيب ولاحاشت يديـك = الاّ المراجـل كايـدات المنالـي
ياهادم اللّذات وش فيك وش فيك ؟ = تنقـا شيـوخ القـوم ياهملالـي
تغيب ياصياف والنـاس تحييـك = فقلوبها وذكرك حشـاه الزوالـي
عسى الولي من واهج النار ينجيك = وعسى جنان الخلد هي المآلـي .

ياهادم اللّذات وش فيك وش فيك ؟ تنقـا شيـوخ القـوم ياهملالـي تغيب ياصياف والنـاس تحييـك فقلوبها وذكرك حشـاه الزوالـي عسى الولي من واهج النار ينجيك وعسى جنان الخلد هي المئآلـي

صح لسانك

قصيدة جزلة من جزل

رحم الله فقيد حرب وأسكنه فسيح جناته

تحياتي