|
2279بنتا توصف على بنت محلول من خليجي نت صح لسانه
السلام عليكم ورحمة الله وبركاته
مساء الخير للجميع يسرني ويسعدني ان اشارك هنا معكم بعد ان تم تعديل اسمي الى ( الاسم الحقيقي ) فانا لمن لا يعــــــرفـــنـــــي / عشير النشاما وقد طلبت من الادارة تغيير الاسم الى الاسم الظاهر امامكم ولا يفوتني هنا ان اتقدم بجزيل الشكر للاخ العزيز ( ابو هليل ) فقد كان له الدور الفعال بذلك . المهم : بمناسبة المستجدات والضروف الراهنة ( مالها اي دخل بالموضوع ) استلموا هاللغز الجديد :
انشدك عن بنتا توصف على بنت = على ان ماهي مثلها دايم الدوم فيهن مثل يشرح لك العلم لا هنت = ميز وفرق بينهن افرق السوم وسلامتكم . |
انشدك عن بنتا توصف على بنت = على ان ماهي مثلها دايم الدوم فيهن مثل يشرح لك العلم لا هنت = ميز وفرق بينهن افرق السوم ------------------------------------------------------------------------------- صح لسانك ياسيف >> بين قوسين (( عشير النشاما ))
ياكاتب اللغز .. المثل فيه بيّنت =واقول عشت ودمت دايم لنا دوم لولا اختلاف الذوق بالسوق هوّنت =مابعت لك بالكوم ولاسمْت هاليوم ( لولا اختلاف الأذواق لبارت السلع ) |
اخوي خليجي نت صح لسانك وبيض الله وجهك وشرفني مرورك وردك
استفسار لو تكرمت : رمعتك هاذي قبل الفطور والا بعده ؟؟؟ تقول ( لولا اختلاف الاذواق ....الخ ) انا ماني شايف اي حاجة ( مؤنثه ) في رمعتك ولغزنا يقول بنت توصف على بنت يعني مافيه الا بنات .. صح لسانك على الابيات ولا يستغرب من شاعر مثلك لكن الحمدلله ان اللغز سلم من شاعر متمرس وخبير باللالغاز مثل ( ابو فيصل ) . وبانتظار الرمعات القادمة ودمت بخير |
( ماكل بيضه بشحمه )
هلابك ولاتهون ، تقول رمعتي السابقه قبل او بعد الفطور ، لاوالله كانت على اَخر سمبوسه وطاسة حليب ، تقبل الله منا ومنكم ولايضيّع اجر مسلم صح بدنك ، والرمعه الأولى ليس الاّ فتح باب اللغز ، على ماقيل ( اول الفوح انثره ) وعساني احل لغز اللي حل لغزي هههههه |
اي والله ان اول الفوح انثره
لاحول ولا قوة الابالله عظم الله اجرى بلغزي الجديد الذي كرفسه هذا الداهيه ( خليجي نت ) قسم انك اعدمته وجبت اخبره صح لسانك وبيض الله وجهك فتحت باب الرمعات وقفلته . الحل مثل ما تفضلت ( ما كل بيضاء شحمة ) . بس عسى لغزك واجه نفس مصير لغزي يارب . |
مالنا فالطيب نصيب
ماشا الله تبارك الرحمن سيف الضافي والعطاوي بيض الله وجيهكم وصحة السنتكم جميع |
صحت ابدانكم والله لايهينكم
|
الساعة الآن 07:33 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir