|
(الضريبة) قدام لاتحلق ذهيبة . ذهيبه؟............................................ .
بسم الله الرحمن الرحيم
لايخفى على الجميع مايصير لخوانا في سوريا وماحصل لهم وقبلهم العراق والان مصر وباقي الدول العربية والاسلامية اللتي لاتختلف كثير عن مايحصل في سوريا والعراق ولم يبقى بلد مسلم الا ودبت فيه الفتنة والتفرقة بين ابناء الوطن الواحد وضع مخيف الله ينصر اهل التوحيد وين ماكانو ويصلح حال المسلمين ويحمي وطنا من الفتن ومن كل ملحد ومفسد اللهم من اراد هذا البلد في شر اشغله في نفسه ورد كيده في نحره اللهم اجمع كلمة المسلمين وعجل بنصرهم وارزقهم اتباع هديك وسنة رسولك اللهم اايمن. ومن وحي هذا الحال جت هذه الابيات تقبلوها كماهي . قولٍ بلا معنا مثل مومي الليل=يضيع وقته مالقا من يجيبه مار اسمعو يا اهل العقول الحلاحيل=من بنت عدت فوق راس الجذيبه وصارت تشوف بفكرها عنة الخيل=لو العداء لديارها مستهيبه لكن نحت الصخر يصنع تماثيل=وقطر النداء يحفر حصاة مهيبه اللي حصل بالشام شيء تهاويل=واليوم مصر تعيش نفس المصيبه تشتت الجمع القوي يا اهل الهيل=وكل العرب في وضعها مستريبه غربٍ وشرق وفالشمال البهاذيل=بانت نوايا اهل الوجيه الكئيبه يرمون غرب وعينهم يمة سهيل=ذيبٍ عوا يقنب وجاوبه ذيبه لهم الهدف بين ولافيه تظليل=يبغون بيرٍ من رواها عذيبه تنبهم قدام تكفى الفناجيل=ثم تشربون السم غصب وغصيبه لكتاب ربي راجعوكل ماقيل=قدام لاتحلق ذهيبة . ذهيبه واهل العلوم اللي كما زبدة السيل=يبغون فيها خير واهي المعيبه سوسة نخل تنخر عذوقٍ مضاليل=إن ماذبحتوها خذتكم غليبه والعقرب اللي راسها فوقه الذيل=جذولها جمرٍ تلاحق لهيبه فيه اصهروها واحتمو للمعاميل=حتى كدرها لايقرب قريبه تحلا لكم جلساتكم والتعاليل=واعراضكم واموالكم ماغديبه تمت وانا مالي من القيل تحصيل=الا إني اخش تدفعون الضريبه |
الله ينصر الملسمين على اعدائهم ويالله يارب تحمي بلدنا من كل سوء صح لسانك يالشاعره وعساك على القوة |
جزله وألدعتي في تناول موضوع مهم وحاصل في امة محمد صلى الله عليه وسلم وهذه فتن ولاكن عسى ان يكون لنا فيها خير وعوده لوحده وعزه ارادها الله لنا ..
ويمكرون ويمكر الله والله خير الماكرين بيض الله وجهك كحيلة وصح لسانك وكل عام وانتي بخير |
اقتباس:
والله يحمي وطنا من الفتن ومن كل ملحد ومفسد صح بدنك لاهنت ولاهان تواجدك الرااقي |
اللهم اامين والله يحمي وطنا من الفتن ومن كل ملحد ومفسد وصح السانك مليون ياالكحيله وكل عام وانتي بخير وسعاده |
اقتباس:
والله يحمي وطنا من الفتن ومن كل ملحد ومفسد صح بدنك لاهنت ولاهان تواجدك الرااقي وكل عام والجميع بيخير وصحة وسلامة |
صح الله لسانك يالكحيله
والله يكفينا شر الفتن وشر الروافض وينصر المجاهدين بالشام على الروافض |
تسجيل تواجد في منبر الجزاله صح لساانكـ بيض الله وجهك |
صح الله لسانك ولاهنتي وسلم فكرك وبنانك دمتي برعاية الله وحفظة |
اقتباس:
والله يحمي وطنا من الفتن ومن كل ملحد ومفسد صح بدنك لاهنت ولاهان تواجدك الرااقي |
الساعة الآن 08:41 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir