|
كنا وكانوا كلبونا حبايب
أرسل لي احد الاصحاب صورة شايب وصورة عجوز كبيرة بالسن والتجاعيد تكسو وجهها وطلب مني اكمال البيت المرسل فكان له ذالك وكأننا تقمصنا شخصية الشايب وتكلمنا على لسانه بعد ان شاهد محبوبته وكيف عمل الدهر بها فعاف بعد ماشاف!!...البيت المرسل تدري وش اللي يجرحك وأنت شايب ***ذكرى هنوف صارت اليوم جده المجاراة جاكم كلام اللي من الحب تايب عود(ن) كبير و بيح الحب سده كنا وكانوا كلبونا حبايب كنا معاهم في سنين الموده ودارت سنين (ن) للزمن والعجايب كنا شمال وصاحبي يم جده غابوا وغبنا ولاعرفنا السبايب حتى طوينا اليأس من قبل مده من يوم شفته وخاطري منه طايب يم الهوى ما عاد للقلب لده شفت العنا والهم شفت المصايب بانت تجاعيد الزمن فوق خده والنفس طابت ما لنا به طلايب ما عاد لي في سكة الزين رده |
قد يكون كلام صح شاعرنا القدير
لكن المحبة لاتقترن بالشباب بالامس ماتت زوجة احد الشيبان عندنا اللي حضرو دفنها رجعو متشبعين بالحزن يقولو جلس عند القبر قال اتركوني مالي بالدنيا بعدها حتى عيالها ماسوو مثله الله يرحمها ويغفر لها ويلطف بحال شايبها ويغفر له ويجزل له بالاجر ونقول صح السانك لاهنت ولاهان منطوقك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح السانك وبيض الله وجهك شاعرنا القدير نادرالنادر
|
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
صح بدنك وكل التقدير والاحترام لمرورك الكريم وكلامك صحيح المحبة ليست مقرونة بالشباب بل بكل الاعمار وقد يكبر الحب مع سنين العشرة ولكن ماكتبته كان من باب المجارة والفكاهة والخيال وليس الواقع وخصوصا ان الذى ارسل لي البيت لم يذكر ولم يوضح ماكان بينهما من ذكرى فى السابق فأبحرت مع الخيال وسوينا سناريو من باب الفكاهة ليس الا.... |
اقتباس:
الحب الباقي صح بدنك ياغالي والله يعطيك العافية ووجهك ابيض وكل التقدير لمرورك العزيز |
صح لسانك لاهنت بيض الله وجهك
|
الساعة الآن 01:11 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir