|
الارشيف الجديد.....نايف بن مياس
ياحسين الوصف ياعذب السجايا=كل ماتطري علي اكتب قصيده ومن نشدني ويش قصدك والنوايا=قلت هذي سابقه ماهي جديده عذري الارشيف وايام الصبايا=وانت وقت راح ماتلبث تعيده عن دروب الحب نوخت المطايا=مالقينا بالهوى سمعه مجيده غير ذكرى بالصناديق الملايا=ذكرياته تاعسه وإلا سعيده وانت سقت القلب من بين الحنايا=في حناة العود لين ارخيت قيده مختلف والناس ماتعرف بلايا=والهوى بالمجتمع عيب ونقيده .نسمع انه كان في وضح النقايا=واختلاف الراي من راي العقيده متعب فكري ومنسوج الخلايا=لين وقف بي على حد الحديده مدتي لك مثل مدات الطنايا=بالكرم مداتهم ماهي زهيده لك شعور القلب من دافع غلايا=مار ليتك من شعوري مستفيده عارض لك بالهوى كامل وفايا=وانت تامر ماتبيه وماتريده ياغزال عاش في وسط الفلايا=كل مرعى يفتخر لاجيت بيده كل قناص يوصي به وصايا=لو يعاود للمفالي مايصيده ياحماة الصيد حطوله حمايا=سجلوها ضمن الانواع الفريده نوع واحد مابقا منها بقايا=منقرض نوعه من سنين بعيده |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الشاعر القدير نايف الفريدي صح لسانك على هالابداع الله يعافيك |
صح لسااااانك على الابداااع والله قصيده استمتعت بقرائتها جدا شكرا على الابداع |
صح لسانك قصيدة رائعه بيض الله وجهك
ماشالله عليك يابو مياس متميز في المحاورة وفي شعر النضم والله انا استمتعت في قرات هالقصيدة الممتازة انت شاعر مافيك حيله |
صح الله لسانك ولاهنت وسلم فكرك وبنانك دمت برعاية الله وحفظة |
صح الله ابدانكم بيض الله وجيهكم
|
الساعة الآن 12:32 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir