ملتقى قبيلة حرب الرسمي

ياقوافي القصايد ياهجوسي تعالي = البسي تاج قيصر واحكمي بالمثايل
دام قلبي على قلب الحبيًب بغالي = واشتبكنا كما تشبك هبوب المخايل
ببدع القاف ماني عن غلاها بسالي = كيف ابسلى ويومي من جبين وجدايل
لاقبلت هي نهاري لادبرت هي ليالي = والشَفق في خدوده والعيون الهوايل
شفًته قوس فارس وقت طلق النبًالي = لارمى من سهامه يجعل الدمً سايل
خصرها في مقاسه هو محيط العقالي = اعتلى فوق شيخن شال كلً الثًقايل
لأجل عينه ابنسى يالسًنين الخوالي = كلً دربن مشيته صار هاليوم مايل
صارت الناس تبعد صار جنبي موالي = من يلوم الهواوي في حسين الدًلايل
طبعها طبع شايب لو يشوف العيالي = قلبها بالوفى والحبً والخير شايل
منبع الطًيب دايم من عمام و خوالي = بنت قومن كرامً يرعبون القبايل
بالمحبًه سقتني كاس حلون زلالي = من يذوقه يموت ولا يدوًر بدايل
اطربتني وقالت استمع للسؤالي = وش غلاتي بقلبك كان عندك دلايل
قلت قبلك ترى مثل الحجر بالجبالي = صرت بعدك سحابه ياكثير الخصايل
برقها حين اقبل والرًعد في خيالي = والمطر بالقوافي وسيلها بالجزايل
والغلا ياغلاتي لك بحر مايزالي = لو تشحً النًفوس وشحًها صاب حايل
قالت اللي تقوله منه يرتاح بالي = واهتني في منامي يجعل الشكً زايل
اطلبك لاتخليني وحيده لحالي = حيث قدرك ترى يسوى جميع الفصايل
مير هذا خيالي فيه شكًه وجدالي = نظرة العين ماهي مثل نقل الرًسايل
من يترجم عيون الزًين ياخذ حلالي = اتعبتني المشاعر بالمسا والقوايل