الله عـلى اللّي تـو ورّد من اقلند=رنـجٍ عـلى حسب الطلب صانعينه
غـطّى عـلى الـيوكـن وغـطّى على اللّند=لولاه يـمـشي قـلـت مــابه مكينه
عـليه مـن حـليا المـهـا شـرّد العند=ومـن طايرات المـيـق بـس الـكـبينه
ابـيه لامـنّي تـعـديـت مــن عـنـد=ناسٍ عـلي قــلـوبـهـم مـستشـينه
ابعد عن الزحـمات وابـعد عن الجند=جـندٍ أيـحـيّر فــي لـغـاه ورطـيـنه
لادقّـة الــسـاعـه عــلى حـزّة البـند=نملٍ ظهر عـقب الرشـاش وغـشينه
عنه الوناسه بعد رضوى عـن السند=وكـلّ ٍ حـسـب رايه ايمـجّـد خـديـنه
ياليت يامـشـكاي تـمـشي بـنا قند=للغـوطه اللّي وصفـها غــرب لـيـنه
ارضٍ وعـر مـاطـبّـهـا بـارد الـزنـد=نسمة هــواها فـيه عـطـر وسـكينه
فـنجـال بـن وشاهي مزوّد الـغـند=من فـوق جـمرٍ بالغـضى موقـدينه
هـذا هـوا بالـي وطـيبٍ من الـهـند=من خـيرة انواع البخـور الـثمـينه

المشاركة الأصلية كتبت بواسطة راعي الطويسه (المشاركة 1368889) الشاعر القدير مساعد صح لسانك واعتلا شانك غطّى على اليوكن وغطّـى اللّنـد لولاه يمشي قلـت مابـه مكينـه اتوقع انها غطى على اليوكن وغطًى على اللًند ولاكن خطأ املائي ماكتبت على صح لسانك مره اخرى انت شاعر جزل وقوافيك جزله تقبل مروري