سلامي على الطيب نهجه ودله =
وراع العقل يسمعه مايمله =
فيمناه سيف الوفا قام سله =
بينحر جيوش الظنون اللعينة =
ولا ياهجوسي تغني وقولي =
وجلب المعاني معك لا يطولي =
ولاشي بيني وبينك يحولي =
ومن هو على الله توكل يعينه =
لقيت النعامة بلون وعلامة =
وشفت الجمل قام ينهش سنامة =
ولاهي علامات يوم القيامة =
على ماتظن القلوب الفطينة =
لكن الله اعلم في تال الزماني =
ودار الفلك ياسهيل اليماني =
ولا لك مع البدو لازم وشاني =
لقو فالتطور بدايل ثمينة =
صحيح الليالي تسابق توالي =
وقالو منول وانا اقول تالي =
متون العرب ماتهد الجبالي =
ولاعاتبتها العقول الذهينة =
سمانا سحابه بروقه تلوحي =
وقدر المعزب لضيفه يفوحي =
ودن الرعد فوق روس السفوحي =
وسيل الشعابة خلط ماه طينه =
عجول الاوادم ودنيا عجولة =
ووجه الحيا منه ماهي خجولة =
ومن نظرته دوم ماطئ رجولة =
تخبزه لياليه خبز العجينة =
اودام وناسة ومن جد فلة =
وبعض الاوادم كما قيل علة =
زرايع تفرح ومن غير غلة =
وسر المراوح في سير المكينة =
وبنصحك ياللي على غير قني =
لك العلم مني ومركوز عني =
انا الذيب واشوف حلياك جني =
مع الذيب تلقى النهاية مشينة =
ثبوت الحقايق بها الجو رايق =
قبل لا نوايق نزيل العوايق =
ولاياصل الماد فالناس بايق =
ولا يشكي البحر حمل السفينة =
وبختامها عد وبل الغمامي =
وبعداد من صام شهر الصيامي =
على المصطفى دوم سيد الانامي =
صلاة وسلام بحضور وسكينة =

صح الساااااااااااااااااااااانك يالبشري واعتلا شانك
قصيدة رااائعه جدّاً
لك اجمل تحية وتقدير

صح السانك لاهنت

مراقبنا وشاعرنا القدير
بخيتان البشري
ولاهان منطوقك
ع
الجزالة
مجالسي من الروااائع

المشاركة الأصلية كتبت بواسطة مساعد الجليدي (المشاركة 1368110) صح الساااااااااااااااااااااانك يالبشري واعتلا شانك قصيدة رااائعه جدّاً لك اجمل تحية وتقدير